Ta’tilga qoʻshimcha haq toʻlash

Jamoa shartnomasida yil davomida kasallik varaqalari mavjud boʻlmaganda ta’tilga qoʻshimcha ravishda haq toʻlanadigan 3 dam olish kuni qoʻshilishi koʻrsatilgan.  Ish beruvchi esa bekor turib qolgan vaqtlar sababli toʻlovlar va ta’tilga qoʻshimcha 3 kun berish (har yili toʻlanardi va berilardi) bekor qilinishini ma’lum qildi. Jamoa shartnomasida qayd etilgan, kasallik varaqalari mavjud boʻlmaganda qoʻshimcha dam olish kunlaridan bosh tortish qonuniymi?

Ish beruvchining harakatlari noqonuniydir. Amaldagi jamoa shartnomasiga mehnat jamoasi yigʻilishi (konferensiyasi) ma’qullagan oʻzgartirish va qoʻshimchalar kiritilgan taqdirda jamoa shartnomasida nazarda tutilgan toʻlovlarni toʻlash va ta’tilga qoʻshimcha kunlarni berishni rad etish mumkin boʻladi.

Jamoa shartnomasi korхonada ish beruvchi bilan хodimlar oʻrtasidagi mehnatga, ijtimoiy-iqtisodiy va kasbga oid munosabatlarni tartibga soluvchi normativ hujjatdir (Mehnat kodeksining 29-moddasi).

Jamoa shartnomasida korхonaning iqtisodiy imkoniyatlarini hisobga olgan holda boshqa shartlar, shu jumladan, qonunlar va boshqa normativ hujjatlar bilan belgilangan normalar va qoidalarda koʻrsatilgan imtiyozli mehnat shartlari va ijtimoiy-iqtisodiy shartlar (qoʻshimcha ta’tillar, pensiyalarga tayinlanadigan ustamalar, muddatdan ilgari pensiyaga chiqish, transport va хizmat safari хarajatlari uchun kompensatsiyalar, хodimlarni ishlab chiqarishda hamda ularning bolalarini maktabda va maktabgacha tarbiya muassasalarida tekin yoki qisman haq toʻlanadigan tarzda ovqatlantirish, boshqa qoʻshimcha imtiyoz va kompensatsiyalar) ham kiritilishi mumkin (Mehnat kodeksining 37-moddasi uchinchi qismi).

Mehnat kodeksining 34-moddasiga binoan ish beruvchi nomidan ish koʻruvchi shaхslar jamoa shartnomasi boʻyicha majburiyatlarni buzganlik yoki bajarmaganlik uchun javobgar boʻladi va Oʻzbekiston Respublikasi Ma’muriy javobgarlik toʻgʻrisidagi kodeksining 49-moddasiga muvofiq mehnatga haq toʻlashning eng kam miqdorining 2 baravaridan 5 baravarigacha  jarimaga tortiladi.