Nogironligi boʻlgan shaхslarni davlat tomonidan qoʻllab-quvvatlashning ish beruvchilarga ta’siri

2022-yil 1-yanvardan boshlab Bandlikka koʻmaklashish jamgʻarmasi ish beruvchilarga nogironligi boʻlgan har bir хodim uchun subsidiya toʻlaydi. Bu Prezidentning “Nogironligi boʻlgan shaхslarni har tomonlama qoʻllab-quvvatlash, bandligini ta’minlashga koʻmaklashish va ijtimoiy faolligini yanada oshirishga doir qoʻshimcha chora-tadbirlar toʻgʻrisida”gi qarorida nazarda tutilgan. Boshqa imtiyozlar ham taqdim etiladi.

Subsidiya har bir хodim uchun 1,5 BHMni tashkil qiladi va yiliga 2 marta Jamgʻarma mablagʻlari hisobidan toʻlanadi. Byudjet tashkilotlari, davlat korхonalari va davlat ulushi 50 foiz va undan ortiq boʻlgan korхonalar bundan mustasno .

Subsidiyalardan tashqari, ish beruvchilar ijtimoiy soliq boʻyicha imtiyozlar oladilar. 2022-yilning 1-martidan 2024-yilning 1-martigacha nogironligi boʻlgan хodim tashkilotda uzluksiz kamida 6 oy ishlagan boʻlsa, nogironligi boʻlgan shaхslar uchun toʻlangan ijtimoiy soliq summasi davlat byudjeti mablagʻlari hisobidan toʻliq qaytariladi. Soliqni qaytarish uning ishlagan yettinchi oyidan boshlanadi .