Noyabr oyida har bir kadrovikka asqotadi:
Jamoa shartnomasiga koʻra xodimlar qiyin oilaviy sharoitlar yuzaga kelganda moddiy yordam olish huquqiga ega. Xodimlardan biri uyida suv toshganini xabar qildi va oqibatlarni bartaraf etish uchun shoshilinch moddiy yordam soʻrab murojaat qildi. U pulni oldi, ammo tasdiqlovchi hujjatlarni olib kelmadi. Buxgalteriya boʻlimi tegishli kommunal xizmatlarga soʻrov yubordi (xodimning yashash joyidagi XUJMSh), u yerda hech qanday avariya sodir boʻlmagan, deb xabar berishdi. Ish beruvchi toʻlangan pulni qaytarishni talab qilishga haqlimi?
- Ha, haqli. Mehnat kodeksining 279-modda 2-qismiga koʻra, xodimga u bergan yolgʻon ma’lumotlari yoki taqdim etgan soxta hujjatlari oqibatida toʻlangan summalar undan sud qarori yoki hukmi asosida undirib olinadi.
Agar xodim olingan mablagʻlarni ixtiyoriy ravishda qaytarishga rozi boʻlmasa, ish beruvchi sudga da’vo arizasi bilan murojaat qilishi kerak boʻladi. Buni xodimga talablarni oldindan bildirmasdan ham amalga oshirish mumkin.
