Noyabr oyida har bir kadrovikka asqotadi:
E’tibor bering
Javob “Norma” yuristlarining umumlashgan fikrini hisobga olgan holda oʻzgartirildi.«Xodim xizmat safaridan 25 sentyabr (yakshanba) tungi soat 02:00 da qaytib keldi. Dam olish kunida xizmat safarida ishlash uchun ikki hissa miqdorida haq toʻlanadi. 25 sentyabr kungi xizmat safari qanday hisob-kitob qilinadi? Hisobga 12:00 dan 02:00 gacha boʻlgan vaqt – bor-yoʻgʻi 2 soat olinadimi? Yoki butun kunmi?».
Savolga ekspert va «Norma» kadrlar xizmati rahbari Valeriya LYaNDRES javob berdi:
– Xizmat safariga chiqish kuni boʻlib trasport vositasida ketish kuni hisoblanadi – 00: 00 dan 24:00 gacha. Kelish kuni – transport vositasida doimiy ish joyiga kelish vaqti sanaladi, xuddi shunday 00: 00 dan 24:00 gacha 
.
Bu holatda dam olish kunining yoʻlga sarflangan 2 soatini hisobga olib, unga ikki baravar haq toʻlash kerak, deb hisoblaymiz.
Bu Mehnat kodeksining 157-moddasi bilan tasdiqlangan boʻlib, unda dam olish kunlari va bayram kunlaridagi ishlar uchun haq toʻlash tartibi haqida gap boradi. Bayram yoki dam olish kunidagi ish xodimning xohishiga qarab boshqa dam olish kuni (otgul)* berish bilan qoplanishi mumkin.
* Ma’lumot uchun: dam olish va bayram kunlaridagi ishdan farqli oʻlaroq, ish vaqtidan tashqari ish uchun belgilangan ish vaqtidan tashqari bajarilgan ish soatlariga teng keladigan miqdorda otgul bilan kompensatsiya qilinadi yoki mehnat haqi toʻlanadi.
