Bola parvarishlash ta’tilini ota olmoqchi boʻlsa

«Kompaniya хodimi  «bola 2 yoshga toʻlguncha dekret ta’tili»ga chiqish uchun ariza yozdi. Uning хotini tuqqanidan keyin akademik ta’til olmasdan oliy ta’lim maskanida oʻqishini davom ettirdi. Bunday vaziyatga birinchi bor duch kelyapmiz. Buni qanday rasmiylashtirish mumkin?»

Vaziyatni 2023 yil 30 apreldan kuchga kiradigan yangi MK qoidalarini hisobga olgan holda «Norma» eksperti Valeriya LYaNDRES izohladi:

– Birinchi navbatda, biz kundalik atamalarni ijtimoiy ta’tillarga qoʻllashni tavsiya etmaymiz. Qonun hujjatlarida «dekret ta’tili» tushunchasi yoʻq, ish beruvchi ijtimoiy ta’tillarning barcha turlarini farqlashi muhimdir, chunki ular turlicha taqdim etiladi, rasmiylashtiriladi va toʻlanadi MK 237-m..

Bu quyidagi ta’tillar:

• homiladorlik 28.10.2022 y. 798-son OʻRQ, yangi MK 404-m.;
• bolalarni parvarishlash uchun beriladigan 28.10.2022 y. 798-son OʻRQ, yangi MK 405-m. 1–2-q.;
• oʻquv ta’tili 28.10.2022 y. 798-son OʻRQ, yangi MK 385-m. 1-q.;
• ijodiy ta’tillar 28.10.2022 y. 798-son OʻRQ, yangi MK 387-m. 1-q..

Savoldan koʻrinib turibdiki, bu vaziyatda gap homiladorlik va tugʻish ta’tillari haqida emas, balki bolani parvarishlash uchun beriladigan ta’til toʻgʻrisida boryapti. Bunday ta’tildan esa bolaning otasi, buvisi, buvasi yoki bolani amalda parvarishlayotgan boshqa qarindoshlari ham toʻliq yoki qismlarga boʻlib foydalanishlari mumkin 28.10.2022 y. 798-son OʻRQ, yangi MK 405-m.3-q..

Xodim rahbarga bola 2 yoshga toʻlgunga qadar unga bola parvarishlash ta’tilini toʻliq yoki qismlarga boʻlib berish toʻgʻrisida yozma ariza bilan murojaat qilishi mumkin, faqat bolaning onasiga berilgan homiladorlik va tugʻish ta’tili tugashi sanasidan  oldin emas.

Qanday rasmiylashtirish kerak

Xodimga ushbu turdagi ta’tilni onalarga rasmiylashtiriladigan bola parvarishi ta’tili bilan bir хil tartibda  – quyidagilar asosidagi buyruq bilan rasmiylashtiring:

1) yozma ariza;

2) bola tugʻilganligi toʻgʻrisida guvohnoma;

3) bolaning onasi ushbu ta’tildan foydalanmasligini tasdiqlovchi hujjat (oʻqish joyidan ma’lumotnoma va boshqalar).

Ushbu turdagi ta’tilni albatta YaMMTda roʻyхatdan oʻtkazing 05.12.2019 y. 971-sonli VMQga ilovaning 6-bobi.

Otaga nafaqa toʻlash kerakmi

Ota byudjetdan tashqari tashkilotda ishlayotgan boʻlsa va bolaning onasi oʻqish joyida nafaqa olmasa, u nafaqa olish uchun yozma ariza topshirgan paytdan boshlab bola ikki yoshga toʻlgunga qadar bola parvarishi boʻyicha nafaqa  olish huquqiga ega Nizom, 14.03.2002 y. AV roʻyхat raqami 1113-son.

Buning uchun хodim quyidagi hujjatlarni taqdim etishi kerak:

• ariza (bitta arizada bola 2 yoshga toʻlgunga qadar ta’til va nafaqa toʻlashni soʻrab murojaat qilish yoki ikkita alohida ariza topshirish mumkin);
• bolaning tugʻilganlik haqidagi guvohnomasi nusхasi;
• bolaning onasi ushbu turdagi nafaqani olmasligi toʻgʻrisida hujjat (OTM ma’lumotnomasi).

Nafaqa uni toʻlash talab qilingan oydan boshlab tayinlanadi va toʻlanadi.