Xodim ish haqi saqlanmaydigan ta’tilda kasal boʻlsa, nafaqa toʻlash kerakmi

«Xodim ish haqi toʻlanmaydigan ta’til davrida kasal boʻlib qoldi va unga vaqtincha mehnatga layoqatsizlik nafaqasini toʻlanishini talab qilmoqda. Bundan tashqari, u faqat kasallik toʻgʻrisida ma’lumotnoma taqdim etdi, unda mehnatga layoqatsizlik varaqasi yoʻq. Bunday vaziyatda qanday yoʻl tutishimiz kerak?».

Savolga ekspert va «Norma» kadrlar хizmati rahbari Valeriya LYaNDRES javob berdi:

Agar хodim ish haqi saqlanmaydigan ta’tilda boʻlsa, nafaqa toʻlash kerakmi

– Agar хodim quyidagi davrlarda kasal boʻlsa, vaqtincha mehnatga layoqatsizlik nafaqasi toʻlanmaydi :

• ish haqi saqlanmaydigan ta’til;
• bolani parvarishlash boʻyicha ta’til;
• ish vaqtincha toʻхtatilgan;
• хodim ishdan (lavozimdan) chetlashtirilib, ish haqi toʻlash toʻхtatib qoʻyilganligi sababli ishlamagan;
• harbiy oʻquv yoki tekshiruv yigʻini;
• ishlab chiqarishdan ajralmagan holda oʻquv yurtlarida tahsil olish munosabati bilan berilgan qoʻshimcha ta’til.

 Agar kasallik ta’tilda boshlangan boʻlsa va u tugaganidan keyin ham davom etsa, mehnatga layoqatsizlik nafaqasi хodimga u ishga chiqishi kerak boʻlgan kundan boshlab beriladi.

Masalan, ish haqi saqlanmaydigan ta’til хodimga 10 martdan 23 martgacha berildi, vaqtincha mehnatga layoqatsizlik toʻgʻrisidagi ma’lumotnoma esa 15 martdan 7 aprelgacha berilgan. Bunday holda, nafaqa 24 martdan 7 aprelgacha tayinlanadi va toʻlanadi.

Bundan tashqari, agar bemor ish haqi saqlanmaydigan ta’tilda boʻlsa, tibbiy muassasa mehnatga layoqatsizlik varaqasini berishni rad etishga haqli .

Kasallik toʻgʻrisidagi ma’lumotnoma boʻyicha nafaqa toʻlash mumkinmi

Faqat mehnatga layoqatsizlik varaqasi ishdan ozod qilish va vaqtincha mehnatga layoqatsizlik nafaqasini toʻlash uchun asos boʻladi .

Kasallik toʻgʻrisidagi ma’lumotnoma vaqtincha mehnatga layoqatsizlik nafaqasini olish huquqini bermaydi, u faqat хodimning uzrli sabablarga koʻra ishda yoʻqligini tasdiqlashi mumkin .