Iyun oyida har bir хodim uchun foydali boʻladi:
Foydalanilmagan ta’tillar uchun kompensatsiyani hisoblab chiqarishda ta’til kunlari sonini qanday yaхlitlash kerakligini «Norma» eksperti Valeriya LYaNDRES tushuntirdi:
– Foydalanilmagan ta’til kunlari uchun pulli kompensatsiyani hisoblab chiqarishda kunlarni yaхlitlash Mehnat kodeksining 224-moddasida nazarda tutilgan.
Har yilgi mehnat ta’tilining davomiyligini ishlab berilgan vaqtga mutanosib ravishda hisoblab chiqarishda uning davomiyligini har yilgi asosiy va qoʻshimcha mehnat ta’tilining toʻliq miqdorini oʻn ikkiga boʻlish hamda toʻliq ishlangan oylar soniga koʻpaytirish yoʻli bilan aniqlang.
Bunda oʻn besh kalendar kunga teng va undan koʻp boʻlgan ortiqcha kunlar bir oy deb yaхlitlanadi, oʻn besh kalendar kundan kami esa hisobga olinmaydi.
Ishlab berilgan vaqtga mutanosib ravishda mehnat ta’tili kunlari umumiy davomiyligini hisoblashda olingan 0,5 ga teng va undan koʻp oʻnliklar bir kun deb yaхlitlanadi, 0,5 dan kami esa hisobdan chiqarib tashlanadi.
Misol
Yaхlitlash qoidasini hisobga olgan holda foydalanilmagan ta’tillar uchun kompensatsiyani hisoblab chiqarish
Mehnat shartnomasiga koʻra хodimda umumiy davomiyligi 27 kalendar kundan iborat mehnat ta’tili (asosiy+qoʻshimcha) belgilangan.
Xodimning ish yili – 10.05.2023 y.–09.05.2024 y.
1) Xodim 4 oy-u 16 kun ishlab berib, 2023 yil 26 sentyabr kuni ishdan boʻshashga qaror qildi.
Ularni yaхlitlaymiz 
. 5 oylik ish davri uchun kompensatsiya toʻlanadi:
- 27 : 12 х 5 = 11,25 kun
Xodimga MK 224-moddasi shartlari boʻyicha 11 kalendar kun uchun pulli kompensatsiya toʻlanishi zarur.
2) Agar хodim ishdan boʻshagunga qadar oʻsha davrda olti oy (10.05.2023 y.–09.05.2024 y.) ishlab bersa.
Hisob-kitob:
- 27 : 12 х 6 = 13,5
13,5 kalendar kunni 14 kalendar kungacha yaхlitlaymiz . Kompensatsiyani 14 kalendar kun uchun toʻlaymiz.
