Тавсияномада:

– календарь таътил кунлари қандай ҳисобланади;

– ходимнинг таътиллари турларини қандай тўғри аниқлаш керак;

– масофадан туриб ишлайдиган ходимларга меҳнат таътилларининг давомийлигини ҳисоблашда нималарни билиш керак;

– агар ходим таътил даврида касал бўлса, таътил қандай сурилади.

Календарь таътил кунлари қандай ҳисобланади 

Ҳар йилги асосий ва қўшимча меҳнат таътиллари календарь кунларда ҳисоблаб чиқарилади, . Таътилнинг давомийлигини ҳисоблашда дам олиш кунларини ҳам, шу жумладан якшанба кунларини ҳам киритинг. Меҳнат таътили даврига тўғри келадиган ишланмайдиган байрам кунларини эса таътилнинг давомийлигини белгилашда ҳисобга олманг.  

Ишланмайдиган байрам кунлари МК 208-моддаси билан белгиланган:

• 1 январь – Янги йил;
• 8 март – Халқаро хотин-қизлар куни;
• 21 март – Наврўз байрами;
• 9 май – Хотира ва қадрлаш куни;
• 1 сентябрь – Мустақиллик куни;
• 1 октябрь – Ўқитувчи ва мураббийлар куни;
• 8 декабрь – Ўзбекистон Республикаси Конституцияси куни;
• Рўза ҳайит (Ийд ал-Фитр) диний байрамининг биринчи куни;
• Қурбон ҳайит (Ийд ал-Адха) диний байрамининг биринчи куни.

Агар ушбу байрам кунларининг бири таътил даврига тўғри келса, у таътилнинг давомийлигини ҳисоблашда ҳисобга олинмайди.