OʻRQ-1030-son Qonunga muvofiq Mehnat kodeksiga MK 106-moddasiga koʻra mehnat shartnomasini tuzish shakliga taalluqli oʻzgartishlar kiritildi. Endilikda uni nafaqat an’anaviy yozma (qogʻoz) shaklda, balki elektron shaklda ham rasmiylashtirish imkoniyati nazarda tutilgan.

Nimalar oʻzgardi?

Mehnat shartnomasining shakli
♦️Qanday edi: Mehnat shartnomasi faqat yozma shaklda, taraflar tomonidan imzolangan kamida ikki nusхada tuzilar edi.
♦️Qanday boʻldi: Endi shartnomani qogʻoz shaklda ham, elektron shaklda ham rasmiylashtirish mumkin. Ikkala variant ham teng yuridik kuchga ega.

Elektron mehnat daftarchasi
♦️Yangilik: MK 106-moddasining 2-qismida aniqlashtirilishiga koʻra, agar mehnat shartnomasi elektron shaklda tuziladigan boʻlsa, uni rasmiylashtirish qonun hujjatlarida belgilangan tartibda "Yagona milliy mehnat tizimi" idoralararo dasturiy-apparat kompleksida (YaMMT) amalga oshirilishi kerak.

♦️Bilish muhim:

• 2024 yil dekabr oyida Vazirlar Mahkamasining 27.12.2024 yildagi 891-son Qarori qabul qilindi, ushbu qaror bilan YaMMTda elektron mehnat shartnomalarini tuzish va elektron mehnat daftarchalarini yuritish tartibi toʻgʻrisidagi Nizomga "Elektron mehnat shartnomasini tuzish" degan yangi bob qoʻshildi.
• Mehnat shartnomasining elektron shaklidan foydalanishni rejalashtirayotgan ish beruvchilar ushbu nizomda belgilangan tartibga rioya qilishlari kerak.

Bu ish beruvchilar va хodimlar uchun nimani anglatadi?

✅ Endi mehnat shartnomasini ikki shaklda – qogʻoz yoki elektron shaklda tuzish mumkin, bunda ularning ikkisi ham teng ahamiyatga ega.
✅ Agar shartnoma elektron shaklda rasmiylashtiriladigan boʻlsa, uni roʻyхatdan oʻtkazish faqat YaMMT tizimi orqali amalga oshiriladi.
✅ Bu oʻzgarish kadrlar hisobini raqamlashtirishga yordam beradi, qogʻoz hujjat aylanishini qisqartiradi va mehnat munosabatlarining shaffofligini oshiradi.

Xulosa: Ish beruvchilar mehnat munosabatlarini rasmiylashtirishda yangi talablarni hisobga olishlari va zarur hollarda YaMMTda belgilangan elektron mehnat shartnomasini tuzish tartibi bilan tanishishlari kerak.