Агар ходим иш ҳақи сақланмаган ҳолда бериладиган таътилда бўлса, у тўлайдиган алиментлар билан нима қилиш керак? Ахир бу ҳолатда иш ҳақи ҳисобланмайдику. Бу ҳолда фирма қандайдир харажатлар қилиши керакми? «Норма» эксперти Наталья МЕМЕТОВА жавоб беради:

- Алимент қарздорнинг иш ҳақи ёки бошқа унга тенглаштирилган тўловлардан 29.08.2001 йилдаги 258-II-сон Қонуннинг 64-моддасидаги ижро ҳужжатлари асосида ушлаб қолинади.

Қарздорнинг иш ҳақи сақланмаган ҳолда бериладиган таътилда бўлиши муносабати билан унда иш ҳақининг мавжуд эмаслиги алимент корхона маблағлари ҳисобидан тўланиши учун асос бўлмайди.