Забирайте в работу на май:
«Суд қарори асосида ходимнинг иш ҳақидан 30 фоизи давлат фойдасига ушлаб қолинади. Бу 30% ходим бир ой ичида оладиган бутун иш ҳақи ва унга тенглаштирилган тўловлардан (иш ҳақи, қўшимча, мукофот) ёки фақат лавозим маошидан ушлаб қолинадими?».
Саволга «Жавоб берамиз!» хизматининг экспертлари жавоб беришди:
– Суд қарорлари билан ходимнинг иш ҳақидан ушлаб қолишлар «Суд ҳужжатлари ва бошқа органларнинг ҳужжатларини ижро этиш тўғрисида»ги қонун ва қарздор жисмоний шахсга иш ҳақи ёки унга тенглаштирилган бошқа тўловларни тўлаётган ташкилотлар ёки бошқа шахслар томонидан ижро ҳужжатларини ижро этиш қоидалари билан тартибга солинади.
Ундирув қарздорнинг иш ҳақига ёки бошқа унга тенглаштирилган тўловларга қаратилади 
.
Ушбу миқдорни тўловларнинг айрим турларидан ушлаб қолиш ман қилинади. Уларнинг рўйхати Қонуннинг 69-моддаси ва Қоидаларнинг 2-бандида белгиланган. Ушбу рўйхатга киритилган тўловлардан жарима миқдори ушлаб қолинмайди.
Қарздорнинг иш ҳақидан ушлаб қолинадиган миқдор солиқлар ушлаб қолинганидан сўнг қолган суммадан ҳисоблаб чиқарилади .
Маълумот учун: жисмоний шахснинг иш ҳақи ва унга тенглаштирилган даромадлари Солиқ кодексининг 371-моддасида санаб ўтилган.
