Пригодится каждому кадровику в январе:
Сентябрь ойининг бошида яқинлашиб келаётган байрам – Мустақиллик куни муносабати билан барча иш режимидаги ташкилотларда ходимлар кетма-кет 3 кун дам олишади.
Экспертларнинг тушунтиришларини ўқиш учун телеграм-каналимизга обуна бўлинг.
1 сентябрь (жума) – байрам куни 
.
2 сентябрь (шанба) –
беш кунлик иш ҳафтаси бўлган ташкилотларда календарь дам олиш куни;
олти кунлик иш ҳафтаси бўлган ташкилотларда қўшимча дам олиш куни .
2023 йил сентябрь ойида иш вақти давомийлиги:
- беш кунлик иш ҳафтасида – 20 иш куни, 160 иш соати;
- олти кунлик иш ҳафтасида – 24 иш куни, 159 иш соати
Эслатма учун
31 август куни ҳар кунлик ишнинг (сменанинг) давомийлиги барча ходимлар учун камида бир соатга қисқартирилади, негаки бу байрам арафасидаги кун .
Бундай қисқартириш имкони бўлмаган узлуксиз ишлайдиган ташкилотларда ва айрим турдаги ишларда ортиқча ишлаганлик ходимга қўшимча дам олиш вақти бериш ёки ходимнинг розилиги билан иш вақтидан ташқари иш учун белгиланган нормалар бўйича ҳақ тўлаш орқали компенсация қилинади .
Сентябрь байрамлари ходимнинг меҳнат таътили даврига тўғри келганда
Ҳар йилги меҳнат таътили даврига тўғри келадиган ишланмайдиган байрам кунлари меҳнат таътилларининг давомийлигини белгилашда ҳисобга олинмайди . Янги МКнинг 208-моддаси қайси кунлар ишланмайдиган байрам кунлари саналишини белгилайди.
Тегишинча, меҳнат таътили давомийлиги ҳисоб-китобига фақат 1 сентябрь киритилмайди. Аммо 2 ва 3 сентябрь кунлари ҳар қандай иш режимида таътил давомийлигига киритилади, чунки улар Меҳнат кодексининг 208-моддасида белгиланган байрам кунлари саналмайди.
Эслатма учун
2023 йил 30 сентябрь олти кунлик иш ҳафтаси учун 2023 йил 1 октябрда нишонланадиган Ўқитувчи ва мураббийлар куни арафасидаги кун сифатида қисқартирилган иш куни саналади – камида 1 соатга .
Валерия ЛЯНДРЕС тайёрлади
