Тавсияномада:

– меҳнат шартномаси тарафларининг бошқа ишга ўтказиш ҳуқуқи;

– вақтинча бошқа ишга ўтказиш;

– вақтинча ўтказиш муддати;

– ходимнинг ташаббусига кўра вақтинча бошқа ишга ўтказиш;

– ходимнинг ташаббусига кўра вақтинча бошқа ишга ўтказишни расмийлаштириш;

– иш берувчининг ташаббусига кўра вақтинча бошқа ишга ўтказиш;

– иш берувчининг ташаббусига кўра вақтинча бошқа ишга ўтказишни расмийлаштириш;

– бошқа ишга доимий ўтказиш;

– бошқа ишга доимий ўтказишни расмийлаштириш;

– қонунга хилоф равишда ўтказиш учун жавобгарлик.

Ўтказишнинг икки тури бор – вақтинча ва доимий. Ходимнинг меҳнат вазифаси ўзгарганда, масалан, унга бошқа мутахассислик, малака, лавозим бўйича иш топширилганда, бошқа ишга ўтказиш расмийлаштирилади.

Меҳнат шартномаси тарафларининг бошқа ишга ўтказиш ҳуқуқи

Иш берувчи ходимнинг розилигисиз меҳнат шартномасида шартланмаган ишни бажаришни талаб қилишга ҳақли эмас. Шу билан бир вақтда ходим ҳам иш берувчидан бошқа ишга ўтказишни талаб қилишга ҳақли эмас. Бироқ истиснолар мавжуд.

Жадвал

Бошқа ишга ўтказиш қачон расмийлаштирилади 

Вақтинча ўтказиш 

Ходимнинг розилиги билан ўтказиш. Умумий қоидага кўра, ходимни вақтинча бошқа ишга фақат унинг розилиги билан ўтказиш мумкин, . Вақтинча ўтказишнинг энг узоқ муддати – 1 йил.

Вақтинча ўтказишнинг энг узоқ муддатидан истисно – ходим йўқ бўлган ходимнинг ўрнига ўтказилган вазият. Бундай ҳолатда ходим аввалги ишига қайтади, вақтинча ўтказиш муддати эса асосий ходим ишга чиққанда тугайди. 

Бошқа ишга ўтказиш муддати тугагач, ходимга авалги иши берилади. Агар ходим аввалги ишига қайтмаса ёки унга аввалги иши тақдим этилмаса, вақтинча ўтказиш доимий деб ҳисобланади.

Ходимнинг розилигисиз ўтказиш. Иш берувчи ишлаб чиқариш зарурияти туфайли ходимни вақтинча бошқа ишга ўтказиши мумкин, . Аммо ходимни ҳар қандай ишга ўтказиб бўлмайди. Ходимни унинг соғлиғи ҳолатига кўра қарши кўрсатма бўлган ишга ўтказиш мумкин эмас.

Иш берувчининг розилигисиз ўтказиш. МК иш берувчи ходимни унинг илтимосига кўра вақтинча бошқа ишга ўтказиши шарт бўлган ҳолларни белгилайди, . Асосий талаби – ходимнинг бошқа ишга ўтказиш учун сабаблари узрли бўлиши керак. Демак, ходимни унинг илтимосига кўра бошқа ишга ўтказинг, агар:

• ходимга соғлиғининг ҳолатига кўра меҳнат шароитлари енгилроқ, ноқулай ишлаб чиқариш омилларини истисно этадиган иш лозим бўлса. Агар ходим бундай ўтказишни илтимос қилаётган бўлса, унинг зарурлигини тиббий хулосани тақдим этиш билан асослаши керак;
• ҳомиладор аёл вақтинча енгилроқ ёки ноқулай ишлаб чиқариш омилларининг таъсирини истисно этадиган ишга ўтказишни илтимос қилса. Ходим аёл ўтказиш учун асос – тиббий хулосани тақдим этиши керак;
• 2 ёшга тўлмаган боланинг ота-онасининг бири ёки васийси болани парваришлаётгани учун аввалги ишда ишлаши мумкин бўлмаса;
• ходимнинг узрли сабаблари бўлса. Бошқа ишга ўтказиш учун узрли сабаблар рўйхати қонунчиликда белгиланмаган. Шунинг учун тушунмовчилик ва низоларни олдини олиш учун жамоа шартномасида ўз рўйхатингизни белгилашингиз мумкин. Агар компанияда бундай шартнома бўлмаса, иш берувчи рўйхатни касаба уюшмаси қўмитаси билан келишилган ҳолда тасдиқлаши мумкин.

Вақтинча ўтказиш муддати

Вақтинча ўтказишнинг энг узоқ муддати – 1 йил. Агар ходимни вақтинча йўқ бўлган ходимнинг ўрнига ўтказаётган бўлсангиз, у ҳолда у ходим ишга чиққунга қадар.

Истисно: ишлаб чиқариш зарурияти ва бекор туриб қолишлар муносабати билан ўтказишлар. Улар бир календарь йил давомида жами 60 календарь кундан ошиши мумкин эмас.

Сиз вақтинча бошқа ишга ўтказиш муддатини бир нечта усуллар билан белгилашингиз мумкин:

1. Вақтинча ўтказишнинг умумий давомийлигини: кунларда, ойларда, йилларда кўрсатиш. Масалан, ишнинг бошланиш санаси – 2023 йил 20 июль, ўтказиш муддати – бир ой. Мазкур ҳолатда вақтинча бошқа ишга ўтказиш муддати 2023 йил 20 августда тугайди, келаси иш куни, яъни 2023 йил 21 августда иш берувчи ходимга аввалги ишини тақдим этиши шарт.
2. Ходим қайси ишга ўтказилган бўлса, ўша ишни бажариш бошланадиган календарь санани ва ўтказиш муддати тугайдиган календарь санани белгилаш. Масалан: 2023 йил 20 июлдан 2023 йил 15 сентябрга қадар, қўшиб ҳисоблаган ҳолда.  
3. Содир бўлиши билан бошқа ишга ўтказиш муддати тугайдиган ҳодисани белгилаш. Масалан, вақтинча меҳнатга лаёқатсизлик, хизмат сафарида, ҳарбий йиғинларда ва ҳоказоларда бўлиш муносабати билан вақтинча бўлмаган ходимнинг ишга чиқиши. Бекор туриб қолишда ёки ишлаб чиқариш зарурияти бўлганда ходимни бекор туриб қолиш ёки ишлаб чиқариш заруриятининг сабаблари бартараф этилгунга қадар вақтинча бошқа ишга ўтказиш мумкин.

Ходимнинг ташаббусига кўра вақтинча бошқа ишга ўтказиш

Иш берувчи ходимни вақтинча бошқа ишга ўтказиши шарт, агар бундай ўтказиш қуйидагилар муносабати билан зарур бўлса:

• тиббий хулосага кўра ходимнинг соғлиғининг ҳолати;
• тиббий хулосага кўра ходим аёлнинг ҳомиладорлиги;
• 2 ёшга тўлмаган болани парваришлаш;
• локал тартибда белгиланган узрли сабаблар мавжуд бўлганда ходимнинг илтимоси.

Ходимнинг соғлиғи ҳолатига кўра вақтинча ўтказиш 

Иш берувчи ходимни енгилроқ ёки ноқулай ишлаб чиқариш омиллари таъсирини истисно қилувчи ишга ўтказиши шарт. Аммо ходим тиббий хулоса тақдим этиши керак, унга мувофиқ ўтказиш муддати белгиланади, .

Ҳомиладор ходиманинг талабига кўра вақтинча ўтказиш 

Ҳомиладор ходимага тиббий хулоса асосида ишлаб чиқариш, хизмат кўрсатиш нормасини камайтиринг ёки енгилроқ, ноқулай ишлаб чиқариш омиллари таъсирини истисно қилувчи ишга ўтказинг. Ўтказиш даврида унинг аввалги ишидаги ўртача ойлик иш ҳақини сақлаб қолинг.

Иш берувчи ҳомиладор ходим аёлнинг, агар унда тегишли тиббий хулоса бўлса, енгилроқ ишга ўтказиш ҳақидаги илтимосини рад этишга ҳақли эмас.

Ҳомиладор аёлни енгилроқ ишга ўтказиш масаласи ҳал этилгунига қадар, шунингдек, агар корхонада мос келадиган иш бўлмаса, уни бунинг оқибатида қолдирилган барча иш кунлари учун ўртача иш ҳақи сақланган ҳолда аввалги ишидан озод қилинг, .

2 ёшга тўлмаган болани парваришлаш билан боғлиқ вақтинча ўтказиш

Икки ёшга тўлмаган боланинг отаси ёки онасини ёхуд васийсини, агар у аввалги ишини бажаролмайдиган бўлса, енгилроқ ёки ноқулай ишлаб чиқариш омиллари таъсирини истисно қилувчи ишга ўтказинг.

Янги ишда ишлаш даври давомида – бола икки ёшга тўлгунга қадар ходимнинг аввалги иши бўйича иш ҳақини сақлаб қолинг. Иш берувчида бошқа иш мавжуд бўлмаган тақдирда, ходим ишдан четлаштирилади ва унга болани парваришлаш бўйича нафақа тўланади, .

Ходимни локал тартибда белгиланган узрли сабабларга кўра вақтинча ўтказиш 

Агар корхонанинг жамоа шартномасида ёки касаба уюшмаси билан келишилган ҳолда бошқа ишга ўтказиш учун узрли сабаблар рўйхати ва тегишли меҳнатга ҳақ тўлаш тартиби белгиланган бўлса, ходимнинг вақтинча бошқа ишга ўтказиш ҳақидаги илтимосини қаноатлантиринг.

Масалан, малака оширишда, ишлаб чиқаришдан узилмаган ҳолда таълим олишда, аввалги ишида ходимнинг ҳаёти ва соғлиғига хавф солувчи ва бошқа ҳоллар вужудга келганида.

Аммо мазкур ҳолатда ходимнинг вақтинча бошқа ишга ўтказиш ҳақидаги илтимоси, фақат агар корхонада мувофиқ иш мавжуд бўлган тақдирда, қаноатлантирилади. Агар бундай иш бўлмаса, ходимнинг илтимосини рад этиш мумкин.

Ходимнинг ташаббусига кўра вақтинча бошқа ишга ўтказишни расмийлаштириш

Ходимнинг ташаббусига кўра вақтинча бошқа ишга ўтказишни ўтказиш муддатини кўрсатган ҳолда буйруқ билан расмийлаштиринг, . Буйруқ учун асос – ходимнинг аризаси. Ходимни соғлиғининг ҳолатига кўра, шунингдек ҳомиладор аёлларни, вақтинча ўтказишда ариза билан бирга тиббий хулосани ҳам талаб қилинг. Вақтинча ўтказишни меҳнат дафтарчасида акс эттирманг.

Иш берувчининг ташаббусига кўра вақтинча бошқа ишга ўтказиш

Ходимни вақтинча бошқа ишга унинг розилигисиз ўтказишга фақат ишлаб чиқариш зарурияти ёки бекор туриб қолиш муносабати билан йўл қўйилади, . МК бундай асосларнинг тўлиқ рўйхатини белгиламайди, аммо қуйидагилар каби истисно ҳоллари бўлиши кераклигини белгилайди:

• бекор туриб қолишнинг олдини олиш ёки уни бартараф этиш;
• вақтинча йўқ бўлган ходимнинг ўрнига ишлаб туриш;
• ишлаб чиқариш аварияси ва ишлаб чиқаришдаги бахтсиз ҳодисаларнинг олдини олиш ёки оқибатларини бартараф этиш;
• фавқулодда ҳолат ёки фавқулодда вазият шартлари;
• табиий, техноген ва экологик тусдаги (ёнғин, сув тошқини, зилзила, эпидемия, эпизоотия ва бошқа) ҳалокат оқибатларининг олдини олиш ёки бартараф этиш;
• ҳаёт ёки нормал яшаш шароитларига таҳдид солувчи бошқа ҳоллар.

Ишлаб чиқариш заруриятининг алоҳида ҳоллари, ўтказишнинг охирги муддатлари, меҳнатга ҳақ тўлашнинг аниқ миқдорларини жамоа шартномасида кўрсатинг, агар  у тузилмаган бўлса, касаба уюшмаси қўмитаси билан келишувга кўра аниқланг ва алоҳида ҳужжат билан расмийлаштиринг.

Ишлаб чиқариш зарурияти ҳолларида бўлгани каби бекор туриб қолишда ҳам иш берувчи ходимни меҳнат шартномасида шарт қилиб кўрсатилмаган бошқа ишга унинг розилигисиз вақтинча ўтказишга ҳақли. Бироқ бекор туриб қолиш муносабати билан ходимни вақтинча бошқа ишга унинг розилигиз, аммо унинг малакасини ҳисобга олган ҳолда, ўтказилади. Бекор туриб қолиш муносабати билан ходимни бошқа, кам малакали ишга фақат унинг розилиги билан ўтказиш мумкин.

Ходим вақтинча бошқа ишга ўтказилган даврда ходимнинг меҳнатига ҳақ тўлашни бажараётган ишига қараб, бироқ аввалги ўртача ойлик иш ҳақидан кам бўлмаган миқдорда амалга оширинг,  .

Шундай қилиб, агар ходим ишлаб чиқариш зарурияти ёки бекор туриб қолиш муносабати билан ўтказилган бошқа ишда меҳнат ҳақи унинг аввалги ишидаги меҳнат ҳақидан юқори  бўлса, у ҳолда ходимнинг меҳнатига янги иши бўйича ҳақ тўланиши керак. Агар ходим вақтинча ўтказилган ишда меҳнат ҳақи унинг аввалги ишидаги меҳнат ҳақидан кам бўлса, ходимга аввалги ишидаги ўртача иш ҳақи миқдоригача қўшимча ҳақ тўланг.

Бошқа ишга ўтказиш муддати тугагандан кейин ходимга аввалги иш ўрнини тақдим этинг.

Иш берувчининг ташаббусига кўра вақтинча бошқа ишга ўтказишни расмийлаштириш

Бошқа ишга ўтказишни ўтказиш муддатини кўрсатган ҳолда буйруқ билан расмийлаштиринг. Буйруқни чиқариш учун асос – жамоа шартномасида ёки касаба уюшмаси қўмитаси билан келишилган ҳолда белгиланган ишлаб чиқариш зарурияти фактининг мавжудлиги. Бунда, агар бекор туриб қолиш сабабли ходимни пастроқ малака талаб этиладиган ишга вақтинча ўтказишни расмийлаштираётган бўлсангиз, ходимнинг ёзма розилигини олинг, .

Меҳнат шартномасига ўзгартиришлар киритиш тўғрисида қўшимча келишув қилманг, чунки вақтинча бошқа ишга ўтказиш меҳнат шартномасида акс эттирилмайди.

Вақтинча бошқа ишга ўтказишни, агар ходим бу ҳақида илтимос қилмаса, меҳнат дафтарчасида акс эттирманг.

Бошқа ишга доимий ўтказиш

Бошқа ишга доимий ўтказиш – айнан ўша иш берувчида ишни давом эттирганда, ходимнинг меҳнат вазифалари ёки таркибий бўлинмаси ўзгарган шартларнинг  ўзгариши, агар бу шартномада кўрсатилган бўлса.

Бошқа ишга ўтказиш меҳнат шартномаси шартларини ўзгартирар экан, унга қўшимча келишув расмийлаштиринг ва маълумотларни меҳнат дафтарчаси ва ЯММТга киритинг. Доимий  ишга ўтказишнинг ташаббускори ходим ҳам, иш берувчи ҳам бўлиши мумкин.

Агар бошқа ишга ўтказишнинг ташаббускори ходим бўлса, у бошқа ишга, лавозимга ўтказиш тўғрисида ариза ёзиши мумкин.

Агар бошқа ишга ўтказишнинг ташаббускори иш берувчи бўлса, у ходимнинг розилигини олиши керак.

Ходимнинг бошқа ишга ўтказишга розилиги дастлабки тусга эга бўлиши керак ва иш берувчига бошқа ишга ўтказиш учун ходимнинг розилигини олгунга қадар уни қуйидагилар билан таништириш мажбуриятини юклайди:

1. Ходим ўтказилаётган ишнинг мазмуни билан.

Демак, агар янги иш бўйича функционал мажбуриятларни лавозим йўрқиномаси белгилайдиган бўлса, бошқа ишга ўтказишга ходимнинг розилигини олгунга қадар уни йўриқнома билан қўл қўйдириб таништиринг;

2. Янги ишдаги меҳнат шароитлари билан.

Яъни ходимни у бажарадиган иш билан боғлиқ ижтимоий ва ишлаб чиқариш меҳнат шароитлари тўғрисидаги маълумотлардан хабардор қилиш. Иш берувчи касб ва бошқа касалликлар хавфи, янги ишдаги меҳнат муҳофазасининг ҳолати, шунингдек шу муносабат билан имтиёзлар ва компенсациялар, шахсий ҳимоя воситалари ҳақида ўз вақтида хабардор қилиши шарт;

3. Ходим ўтказилаётган ишни бажариш билан бевосита боғлиқ бўлган локал ҳужжатлар билан.

Бошқа ишга ўтказишда ходимни у аввал таништирилган локал ҳужжатлар билан такрор таништириш шарт эмас.

Масалан, қонунчилик талабларига мувофиқ, ходим ишга қабул қилиш чоғида ички меҳнат тартиби қоидалари билан таништирилган бўлса, бошқа ишга ўтказишда уни ушбу ҳужжат билан қўл қўйдирган ҳолда яна таништиришга ҳожати йўқ.

Бироқ, агар бошқа ишга ўтказиш муносабати билан илгари бир сменада ишлаган ходим бир нечта сменали тартибдаги ишга ўтаётган бўлса, сменалилик жадвалига мувофиқ, иш берувчи ходимнинг розилигини олгунга қадар уни ушбу жадвал билан олдиндан таништириши шарт.

Ходим бошқа ходимларга татбиқ этилмайдиган мукофотлар (масалан, ёнилғи-мойлаш моддалари ва ҳоказоларни тежаганлик учун) белгиланган ишга ўтказилган тақдирда ҳам худди шундай йўл тутиш керак.  

Эътибор беринг

Агар иш берувчи ходимни бошқа ишга унинг розилигисиз ўтказса, ташкилотнинг мансабдор шахсини маъмурий жавобгарликка тортишлари ва унга БҲМ 5 бараваридан 10 бараваригача миқдорда жарима солишлари мумкин, .

Соғлиғи ҳолатига кўра бошқа ишга доимий ўтказиш

Ходимни соғлиғи ҳолатига кўра бошқа ишга ўтказишни тиббий хулосага мувофиқ расмийлаштиринг. Ушбу тиббий хулосага кўра ходимга енгилроқ ишни тақдим этиш керак. Ходимни соғлиғи ҳолатига кўра бошқа ишга, ўтказишнинг вақтинча ёки доимийлигидан қатъи назар, фақат унинг розилиги билан ўтказишингиз мумкин.

Иш берувчининг ходимни соғлиғи ҳолатига кўра бошқа ишга ўтказиш мажбурияти қуйидаги шартлар мавжуд бўлган тақдирда вужудга келади:

• тиббий хулосага мувофиқ ўтказиш зарур бўлганда;
• ходимга тиббий хулоса белгиланган тартибда ТИЭК ёки врачлик маслаҳат комиссияси томонидан берилган;
• иш берувчида тегишли иш бор ва ходимнинг соғлиғи ҳолатига кўра бу ишга қарши кўрсатма йўқ;
• ходим бошқа ишга ўтказишга ёзма розилик берди.

Бунда ходим бошқа ишга ўтказилган кундан эътиборан икки ҳафта мобайнида унинг аввалги ўртача иш ҳақи сақланиб қолади, .

Ходим тиббий хулосага мувофиқ соғлиғи ҳолати бўйича бошқа ишга ўтказилишни рад этган тақдирда ёхуд иш берувчида тегишли иш бўлмаганлиги муносабати билан ходим билан меҳнат шартномасини бекор қилиш мумкин.

Ходимни қонуний равишда МК 143-моддасининг 2 қисмига мувофиқ ишдан бўшатиш учун қуйидаги шартларга амал қилинг:

1. Меҳнат шартномасини ушбу асосга кўра қуйидаги сабаблардан бири мавжуд бўлганда бекор қилиш мумкин:

• ходим енгилроқ ёки ноқулай ишлаб чиқариш омилларининг таъсирини истисно қилувчи бошқа ишга ўтказилишни рад этди;
• иш берувчида ходимнинг соғлиғи ҳолатига кўра қарши кўрсатма бўлмаган иш йўқ;

2. Меҳнат шартномасини МК 143-моддасининг 2 қисмига кўра фақат ТИЭК ёки врачлик маслаҳат комиссиясининг хулосаси мавжуд бўлганда бекор қилиш мумкин. Бунда, хулосага кўра, ходим унга енгил ва ноқулай ишлаб чиқариш омиллари таъсирини истисно қилувчи ишни тақдим этилишига муҳтож деб тан олинган бўлиши керак.

3. Агар кўрилаётган асос бўйича меҳнат шартномаси ходимнинг тиббий хулосага кўра унинг учун қарши кўрсатма бўлмаган бошқа ишга ўтказилишни рад этганлиги муносабати билан бекор қилинадиган бўлса ва шу сабабли низо юзага келган тақдирда, иш берувчи:

• бундай ишга ўтказишни таклиф қилганини;
• ходимга айнан тиббий хулосага мувофиқ бажариши мумкин бўлган ишга ўтказиш таклиф қилинганлигини;
• ходим ҳақиқатда бундай ишга ўтказишни рад этганлигини исботлаши керак бўлади.

Бошқа ишга ўтказиш тўғрисидаги таклифни ёзма шаклда қилиш ва ходимни бу ҳақида қўл қўйдирган ҳолда хабардор қилишни тавсия этамиз. Агар ходим иш берувчининг таклифи билан танишиб чиқишни рад этса ёхуд танишиб чиққани тўғрисида имзо қўйишни истамаса, бу тўғрисида далолатнома тузинг.

Бошқа ишга ўтказиш тўғрисидаги таклифни ходимга билдиришномали хат билан почта орқали ёки электрон ҳужжат сифатида юборишингиз мумкин. Электрон ҳужжатни ишга қабул қилиш ва меҳнат шартномасини бекор қилиш ҳуқуқига эга мансабдор шахснинг электрон рақамли имзоси билан тасдиқланг.

Бошқа ишга доимий ўтказишни расмийлаштириш

Ходимни бошқа доимий ишга фақат унинг розилиги билан ўтказилади. Розилик унинг тегишли ўзгартиришларни киритиш тўғрисида меҳнат шартномасига келишувни имзолаганини назарда тутади. Доимий ўтказишни қуйидаги қадамлар билан расмийлаштиринг. 

1 қадам. Бошқа ишга ўтказиладиган ходимни янги меҳнат шартлари билан таништиринг.

2 қадам. Меҳнат шартномасида лавозим, мутахассислик, малака ўзгариши тўғрисида меҳнат шартномасига келишувни имзоланг.

3 қадам. Меҳнат шартномасига келишув асосида бошқа доимий ишга ўтказиш тўғрисида буйруқ чиқаринг ва ходимни у билан қўл қўйдириб таништиринг.

4 қадам. Бошқа ишга доимий ўтказишни Ягона миллий меҳнат тизимида (ЯММТ) рўйхатдан ўтказинг.

5 қадам. Қоғоз меҳнат дафтарчасига қуйидаги ёзувларни киритинг:

• 1 устунга – ёзувнинг тартиб рақами;
• 2 устунга – ишнинг бошланиш санаси;
• 3 устунга – ўтказиш тўғрисидаги ёзув, ходим ўтказилаётган таркибий бўлинмани кўрсатган ҳолда, агар уни аниқ таркибий бўлинмага ўтказаётган бўлсангиз: «_______ лавозимига (касбига, мутахассислигига) ўтказилди»;
• 4 устунга – тегишли буйруқ рақами ва санаси.

Ноқонуний равишда ўтказиш учун жавобгарлик

Агар иш берувчи ходимни бошқа ишга қонунга хилоф равишда ўтказадиган бўлса, ходим қуйидагиларни талаб қилишга ҳақли:

• аввалги лавозимига тиклашларини;
• вақт, шу жумладан бошқа ишга мажбурий ўтказиш туфайли юзага келган мажбурий прогуллар учун ҳақ тўлаш;
• етказилган маънавий зарар ўрнини қоплаш.

Шунингдек модда мансабдор шахсларнинг ноқонуний ўтказиш учун жавобгарлигини назарда тутади. Қонунга хилоф равишда ҳаракат қилган тақдирда, бундай шахслар интизомий жавобгарликка тортилишлари мумкин. Агар уларнинг ҳаракатлари иш берувчи учун зарарга олиб келса, моддий жавобгарлик назарда тутилган, .

Эътибор беринг

Қонунга хилоф равишда бошқа ишга ўтказганлик учун ташкилотнинг мансабдор шахси нафақат маъмурий жавобгарликка тортилиши, балки унга БҲМ 5 бараваридан 10 бараваригача миқдорда жарима солиниши мумкин, . Ҳуқуқбузарлик йил давомида такрор содир этилса, БҲМ 10 бараваридан 15 бараваригача жарима солишларига сабаб бўлиши мумкин. Агар ҳуқуқбузарлик вояга етмаган шахсга нисбатан содир этилган бўлса, жарима миқдори БҲМ 10 бараваридан 20 бараваригача миқдорда бўлиши мумкин.