Тавсияномада:

- ходимларнинг вакиллик органи деганда нима тушунилади;

- меҳнат шартномасини иш берувчининг ташаббусига кўра бекор қилиш учун ходимларнинг вакиллик органининг розилигини олиш қачон талаб қилинади ва қачон талаб қилинмайди;

- ходимларнинг вакиллик органи меҳнат шартномасини иш берувчининг ташаббусига кўра бекор қилиш учун розилик бериш тўғрисидаги масалани қандай кўриб чиқади.

Ходимларнинг вакиллик органи деганда нима тушунилади 

 Меҳнат шартномасини иш берувчининг ташаббусига кўра бекор қилиш учун олдиндан касаба уюшмаси қўмитасининг ёки ходимларнинг бошқа вакиллик органининг розилигини олиш зарур, агар бундай розиликни олиш жамоа келишувида ёки жамоа шартномасида назарда тутилган бўлса, .

Меҳнат кодексининг матни бўйича узун ифоданинг такрорланишининг олдини олиш учун “касаба уюшмаси” деган қисқартирилган шакл қўлланилади, бунда меҳнат жамоаси томонидан ўз манфаатларини ифода қилиш ва ҳимоялаш учун яратилган ходимларнинг ҳар қандай вакиллик органи тушунилади, . Бу қуйидагилар бўлиши мумкин:

• бошланғич касаба уюшмаси ташкилотининг сайлаб қўйиладиган органи: касаба уюшмаси қўмитаси (ходимлар сони 15 ва ундан кўп бўлганда), касаба уюшмасининг ташкилотчиси (ходимлар сони 15 кишидан кам бўлганда) ёки касаба уюшмаси гуруҳининг ташкилотчиси.
• меҳнат жамоасининг умумий йиғилиши (конференцияси) томонидан сайланадиган ходимларнинг бошқа вакиллик органи, масалан, Меҳнат жамоаси кенгаши, Вакиллар қўмитаси ва бошқалар.  Бу ҳақида батафсил “Ходимларнинг вакиллик органи қандай ташкил этилади (касаба уюшмалари, Меҳнат жамоаси кенгаши)” тавсияномасини қаранг

Шундай қилиб, ходим билан меҳнат шартномасини иш берувчининг ташаббусига кўра бекор қилиш учун розиликни ушбу ташкилотнинг меҳнат жамоаси ташкил этган ходимларнинг вакиллик органи (бундай буён матнда ХВО) беради.  

Меҳнат шартномасини бекор қилиш учун ХВО розилигини олиш қачон талаб қилинади ва қачон талаб қилинмайди

 Олдиндан ХВО розилигини олиш зарур:

• агар бу жамоа келишувида ёки жамоа шартномасида назарда тутилган бўлса. Демак, агар ушбу ҳужжатларда меҳнат шартномасини иш берувчининг ташаббусига кўра бекор қилишнинг ХВОнинг олдиндан розилигини олган ҳолда амалга оширилиши назарда тутилмаган бўлса, иш берувчи ходим билан меҳнат шартномасини тегишли розиликни олмаган ҳолда бекор қилишга ҳақли. Аммо бундай талаб жамоа келишувида ёки...