Пригодится каждому кадровику в декабре:
Янги йил таътили. Президент фармонига кўра Янги йил муносабати билан қўшимча дам олиш кунлари белгиланди
Президент фармони билан Янги йилни нишонлаш муносабати билан қўшимча дам олиш кунлари белгиланди. Ходимларни «янги йил таътиллари» кутмоқда. Кадрлар бўлими ходимлари учун узоқ дам олиш кунларини ҳисобга олган ҳолда декабрь ойининг қолган вазифаларини олдиндан режалаштириш ва барча ҳисоботларни ўз вақтида тайёрлаш муҳимдир. Янги йилда фуқаролар неча кун дам олади ва 2025 йил охирига қадар қандай вазифаларни бажариш зарур, kadrovik.uz нашрида ўқинг.
Янги йилда неча кун дам оламиз
24.12.2025 йилдаги 257-сон Президент Фармонига кўра ходимлар кетма-кет 5 кун дам олади:
| 5 кунлик иш ҳафтасида | 6 кунлик иш ҳафтасида |
| 31 декабрь, чоршанба – қўшимча дам олиш куни | 31 декабрь, чоршанба – қўшимча дам олиш куни |
| 1 январь, пайшанба – ишланмайдиган байрам куни | 1 январь, пайшанба – ишланмайдиган байрам куни |
| 2 январь, жума – қўшимча дам олиш куни | 2 январь, жума – қўшимча дам олиш куни |
| 3 январь, шанба – дам олиш куни | 3 январь, шанба – қўшимча дам олиш куни |
| 4 январь, якшанба – дам олиш куни | 4 январь, якшанба – дам олиш куни |
Kadrovik.uz тавсия қилади
Янги йил дам олиш кунлари 2025 йил декабрь ва 2026 йил январь ойларида иш вақтини ҳисоблашга қандай таъсир кўрсатади
Узоқ дам олиш кунларининг белгиланиши декабрь ойида иш вақтини ҳисоблашга таъсир кўрсатди. Дам олиш кунларининг янги жадвалига кўра, 2025 йил декабрь ойида иш вақти баланси:
- 5 кунлик иш ҳафтасида ишлайдиган ходимлар учун – 168 соат;
- 6 кунлик иш ҳафтасида ишлайдиган ходимлар учун – 167 соат;
- 36 соатли иш ҳафтаси эга ходимлар учун – 150 соатни ташкил этади.
Узоқ дам олиш кунлари белгилангунга қадар иш вақти ҳисоб-китоби 5 кунлик иш ҳафтасида ишлайдиган ходимлар учун 175 соатни, 6 кунлик иш ҳафтасида ишлайдиган ходимлар учун 173 соатни ва 36 соатлик иш ҳафтасида ишлайдиган ходимлар учун 155 соатни ташкил этган.
Январь ойида 5 кунлик ва 6 кунлик иш ҳафтасида ишлайдиган ходимлар учун иш вақти 160 соатни ташкил этади. Ҳафтасига 36 соат ишлайдиган ходимлар учун эса 144 соат.
Ўқишни тавсия қиламиз
Кадрлар бўйича мутахассис учун эслатма: 2025 йил охирига қадар нималарни қилишга улгуриш керак
Кадрлар бўйича мутахассислар декабрь ойи учун иш режасини Янги йил байрамидаги узоқ дам олиш кунларини ҳисобга олган ҳолда қайта кўриб чиқишлари керак. Йил охиригача қуйидаги вазифаларни албатта ёпиш зарур:
1. 2026 йил учун таътиллар жадвалини тасдиқлаш.
2. Қандай ҳужжатларни архивга топшириш кераклигини текшириш.
3. Йиллик кадрлар ҳисоботларини тайёрлаш ва топшириш.
4. Ҳарбий ҳисобни юритиш бўйича вазифаларни бажариш.
5. Иш вақтини ҳисобга олиш табелини топшириш.
Рўйхатда декабрь ойи учун фақат асосий кадрлар вазифалари келтирилган. Бундан ташқари, локал ҳужжатлар лойиҳаларини янгилаш, кадрлар билан ишлаш режаси лойиҳасини тайёрлаш ва 2026 йил учун ўқув режасини шакллантириш ва бошқалар зарур.
Кадрлар бўйича вазифаларнинг тўлиқ рўйхати билан танишиш ва уларни бажаришга улгураётганингизни тез текширишга Kadrovik PRO экспертларининг 2025 йил охирига мўлжалланган кадрлар хизматининг иш режаси кўрсатилган Чек-варағи ёрдам беради. Унда кадрлар вазифалари саналар бўйича даврларга бўлинган. Экспертларнинг тушунтиришлари эса аниқ вазифаларни батафсилроқ тушунишга ёрдам беради.
