Ўзбекистон Республикаси Вазирлар Маҳкамасининг 01.06.1998 й. 237-сон "НАТО ҳузурида Ўзбекистон Республикаси Миссиясини очиш ҳақида"ги Қарори
ВАЗИРЛАР МАҲКАМАСИНИНГ
РЕСПУБЛИКАСИ МИССИЯСИНИ
ОЧИШ ҲАҚИДА
Евроатлантика ҳамкорлик Кенгаши ва "Тинчлик учун ҳамкорлик" дастури доирасида Ўзбекистон Республикаси ва НАТО ўртасида ҳамкорликни янада ривожлантириш мақсадида Вазирлар Маҳкамаси ҚАРОР ҚИЛАДИ:
1. Брюссель шаҳрида (Бельгия қироллиги) НАТО ҳузурида Ўзбекистон Республикаси Миссияси таъсис этилсин.
2. 1998 йил учун Миссиянинг штат жадвали ва харажатлар сметаси 1 ва 2-иловаларга* мувофиқ тасдиқлансин.
Миссия ходимлари сони 4 нафар дипломатик ходимлардан иборат этиб белгилансин.
3. Ўзбекистон Республикаси Молия вазирлиги штатнинг бутланишига қараб харажатлар сметасига мувофиқ 1998 йил учун зарур маблағлар ажратсин.
4. Ўзбекистон Республикаси Ташқи ишлар вазирлиги ва Мудофаа вазирлиги бир ой муддатда штат жадвалига мувофиқ Миссиянинг дипломатик ходимлари таркибини бутлаш учун номзодлар бўйича таклифлар киритсинлар.
5. Ўзбекистон Республикасининг Бельгия қироллигидаги элчиси НАТО ҳузуридаги Ўзбекистон Республикаси Миссияси раҳбари этиб тайинлансин.
Вазирлар Маҳкамасининг Раиси И. Каримов
*) Иловалар рус тилидаги матнда берилган.