ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ФАРМОНИ

17.02.1993 й.

N ПФ-564

ЎЗБЕКИСТОН РЕСПУБЛИКАСИНИНГ

ХЎЖАЛИК СУДЛАРИНИ РИВОЖЛАНТИРИШ

ЖАМҒАРМАСИНИ ТАШКИЛ ҚИЛИШ ТЎҒРИСИДА

Ўзбекистон Республикаси Хўжалик судларининг моддий-техника негизини мустаҳкамлаш, улар зиммасига юкланган вазифалар ва юмушларни бажариш учун зарур шарт-шароитларни вужудга келтириш мақсадида:

1. Ўзбекистон Республикаси Олий хўжалик судининг Ўзбекистон Республикаси Олий хўжалик судларини ривожлантириш жамғармасини ташкил этиш тўғрисидаги таклифи қабул қилинсин.

2. Белгилаб қўйилсинки:

давлат божи ва республиканинг хўжалик судлари кўриб чиқадиган ишлар юзасидан ундириб олинадиган жарима маблағларининг 10 фоизи мазкур жамғармага ўтказилади;

жамғарма маблағларидан хўжалик судларининг моддий-техника негизини мустаҳкамлаш ва уларнинг ходимларини ижтимоий муҳофаза қилиш учун фойдаланилади.

3. Ўзбекистон Республикасининг Вазирлар Маҳкамаси бир ҳафта муддат ичида Ўзбекистон Республикасининг Хўжалик судларини ривожлантириш жамғармаси тўғрисидаги Низомни тасдиқласин.

Ўзбекистон Республикасининг Президенти                          И. Каримов

"Ўзбекистон Республикаси Олий Кенгаши Ахборотномаси", 1993 й., 3-сон, 139-модда