ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

22.05.2009 й.

N 1959

ЎЗБЕКИСТОН РЕСПУБЛИКАСИ

ДАВЛАТ АРХИТЕКТУРА ВА

ҚУРИЛИШ ҚЎМИТАСИНИНГ

23.04.2009 й.

N 1

ҚАРОРИ

Марказлаштирилган манбалар ҳисобидан

молиялаштириладиган объектлар бўйича қурилиш

муддатлари ва шартнома мажбуриятларига риоя

этилиши устидан мониторинг юритиш тартиби

тўғрисидаги низомни тасдиқлаш ҳақида

(2009 йил 1 июндан кучга киради)

Ўзбекистон Республикаси Вазирлар Маҳкамасининг 2003 йил 3 июлдаги 302-сон қарори (Ўзбекистон Республикаси қонун ҳужжатлари тўплами, 2003 й., 13-сон, 105-модда) билан тасдиқланган Ўзбекистон Республикаси ҳудудида капитал қурилишда танлов савдолари тўғрисидаги низомга ҳамда Ўзбекистон Республикаси Президентининг 2008 йил 2 октябрдаги ПҚ-969-сон "Ўзбекистон Республикасининг 2009 йилги Инвестиция дастури тўғрисида"ги қарорига (Ўзбекистон Республикаси қонун ҳужжатлари тўплами, 2008 й., 40-41-сон, 408-модда) мувофиқ "Давархитектқурилиш" қўмитаси ҚАРОР ҚИЛАДИ:

1. Марказлаштирилган манбалар ҳисобидан молиялаштириладиган объектлар бўйича қурилиш муддатлари ва шартнома мажбуриятларига риоя этилиши устидан мониторинг юритиш тартиби тўғрисидаги низом иловага мувофиқ тасдиқлансин.

2. "Давархитектқурилиш" қўмитасининг 2003 йил 19 августдаги 5-сонли "Танлов савдолари натижалари бўйича тузилган шартномалар юзасидан мажбуриятлар бажарилиши мониторингини ташкил қилиш тўғрисида"ги қарори (2003 йил 23 сентябрь, рўйхат рақами 1274 - Меъёрий ҳужжатлар ахборотномаси, 2003 й., 17-18-сон) ўз кучини йўқотган деб ҳисоблансин.

3. Мазкур қарор Ўзбекистон Республикаси Адлия вазирлигида давлат рўйхатига олинган кундан бошлаб ўн кун ўтгач кучга киритилсин.

Давлат архитектура ва қурилиш қўмитаси раиси                   Н. Ханов

"Ўзбекистон Республикаси қонун ҳужжатлари тўплами", 2009 йил, 21-сон, 256-модда.