ЎЗБЕКИСТОН РЕСПУБЛИКАСИ

ОЛИЙ МАЖЛИСИ СЕНАТИНИНГ

ҚАРОРИ

04.12.2010 й.

N 133-II

ТОШКЕНТ ШАҲАР СОБИР РАҲИМОВ

ТУМАНИНИНГ НОМИНИ ЎЗГАРТИРИШ

ТЎҒРИСИДА

"Ўзбекистон Республикасида маъмурий-ҳудудий тузилиш, топонимик объектларга ном бериш ва уларнинг номларини ўзгартириш масалаларини ҳал этиш тартиби тўғрисида"ги Ўзбекистон Республикаси Қонунининг 15-моддасига мувофиқ Ўзбекистон Республикаси Олий Мажлисининг Сенати ҚАРОР ҚИЛАДИ:

1. Ўзбекистон Республикаси Олий Мажлиси Қонунчилик палатасининг "Тошкент шаҳар Собир Раҳимов туманининг номини ўзгартириш тўғрисида"ги 2010 йил 3 ноябрдаги 182-II-сонли Қарори маълумот учун қабул қилинсин.

2. Тошкент шаҳар ҳокимининг илтимосномаси қаноатлантирилсин - Тошкент шаҳар Собир Раҳимов туманининг номи Олмазор деб ўзгартирилсин.

3. Ушбу Қарор қабул қилинган кундан эътиборан кучга киради.

Ўзбекистон Республикаси

Олий Мажлиси Сенатининг Раиси                                    И. Собиров

"Ўзбекистон Республикаси Олий Мажлиси палаталарининг Ахборотномаси", 2010 йил, 12-сон, 513-модда