ЎЗБЕКИСТОН РЕСПУБЛИКАСИНИНГ

ҚОНУНИ

17.12.2008 й.

N ЎРҚ-191

"НОДАВЛАТ НОТИЖОРАТ ТАШКИЛОТЛАРИ

ФАОЛИЯТИНИНГ КАФОЛАТЛАРИ ТЎҒРИСИДА"ГИ

ЎЗБЕКИСТОН РЕСПУБЛИКАСИ ҚОНУНИГА

ҚЎШИМЧА ВА ЎЗГАРТИШЛАР

КИРИТИШ ҲАҚИДА

Қонунчилик палатаси томонидан 2008 йил 26 августда қабул қилинган

Сенат томонидан 2008 йил 4 декабрда маъқулланган

1-модда. Ўзбекистон Республикасининг 2007 йил 3 январда қабул қилинган "Нодавлат нотижорат ташкилотлари фаолиятининг кафолатлари тўғрисида"ги ЎРҚ-76-сонли Қонунига (Ўзбекистон Республикаси Олий Мажлиси палаталарининг Ахборотномаси, 2007 йил, N 1, 2-модда) қуйидаги қўшимча ва ўзгартишлар киритилсин:

1) 11-модда қуйидаги мазмундаги учинчи қисм билан тўлдирилсин:

"Мамлакатда демократик ўзгаришларни янада ривожлантиришга ва бунда нодавлат нотижорат ташкилотларининг фаол иштирок этишига кўмаклашиш мақсадида Ўзбекистон Республикаси Олий Мажлиси ҳузурида Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди, шунингдек Фонд маблағларини бошқариш бўйича Парламент комиссияси тузилади";

2) 12-модданинг иккинчи қисмидаги, 13-модданинг иккинчи қисмидаги ва 14-модданинг иккинчи қисмидаги "Вазирлар Маҳкамаси" деган сўзлар "Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссияси" деган сўзлар билан алмаштирилсин.

2-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти                                  И. Каримов

"Халқ сўзи", 2008 йил 18 декабрь

"Ўзбекистон Республикаси қонун ҳужжатлари тўплами", 2008 йил, 51-сон, 500-модда

"Ўзбекистон Республикаси Олий Мажлиси палаталарининг Ахборотномаси", 2008 йил, 12-сон, 634-модда