ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

15.07.2005 й.

N 619-1

ҚАРОРИ

Темир йўл транспорти йўловчиларининг

қўл юкини, багажини, валютасини ва валюта

бойликларини божхона назоратидан ўтказиш

ва расмийлаштириш тартибига қўшимча

ва ўзгартиришлар киритиш ҳақида

(2005 йил 25 июлдан кучга киради)

Ўзбекистон Республикасининг "Валютани тартибга солиш тўғрисида"ги (янги таҳрири) Қонунига мувофиқ Ўзбекистон Республикаси Давлат божхона қўмитаси, "Ўзбекистон темир йўллари" ДАК, Молия вазирлиги ва Марказий банки Бошқаруви ҚАРОР ҚИЛАДИ:

1. Темир йўл транспорти йўловчиларининг қўл юкини, багажини, валютасини ва валюта бойликларини божхона назоратидан ўтказиш ва расмийлаштириш тартибига иловага мувофиқ қўшимча ва ўзгартиришлар киритилсин.

2. Мазкур қарор Ўзбекистон Республикаси Адлия вазирлигида давлат рўйхатига олинган кундан бошлаб ўн кун ўтгандан кейин кучга киритилсин.

"Ўзбекистон Республикаси қонун ҳужжатлари тўплами", 2005 йил, 28-29-сон, 216-модда.

Қарорга

ИЛОВА

Мазкур Илова рус тилида тасдиқланган.

Ҳужжатнинг матни “NORMA” ахборот-қидирув

тизими экспертлари томонидан ўзбек тилига таржима

қилинган ва ахборот тусига эга. Ноаниқликлар келиб

чиққанида меъёрий-ҳуқуқий ҳужжатнинг рус тилидаги

матнига қаранг

Темир йўл транспорти йўловчиларининг

қўл юкини, багажини, валютасини ва валюта

бойликларини божхона назоратидан ўтказиш

ва расмийлаштириш тартибига қўшимча

ва ўзгартиришлар

1. Тартибнинг Муқаддимаси қуйидаги таҳрирда баён қилинсин:

"Мазкур Тартиб “Валютани тартибга солиш тўғрисида”ги Ўзбекистон Республикаси Қонуни (янги таҳрирда) (Ўзбекистон Республикаси қонун ҳужжатлари тўплами, 2004 й., 6-сон, 65-модда) ва Ўзбекистон Республикаси Вазирлар Маҳкамасининг 1998 йил 24 ноябрдаги "Темир йўл станцияларида божхона назорати ва назорат постларини тартибга солиш бўйича чора-тадбирлар тўғрисида"ги 489-сон қарорига (Ўзбекистон Республикаси Ҳукуматининг Қарорлари тўплами, 1998 йил, 11-сон, 266-модда) мувофиқ ишлаб чиқилган ва Ўзбекистон Республикаси божхона чегарасини темир йўл транспортида кесиб ўтадиган йўловчиларнинг кўл юки, юки (багажи), валюта ва валюта бойликлари божхона назорати ҳамда расмийлаштирилиши тартибини белгилайди".

2. 1-банднинг:

олтинчи хатбоши қуйидаги таҳрирда баён қилинсин:

"Чет эл валютаси - муомалада бўлган ҳамда хорижий давлатда қонуний тўлов воситаси ҳисобланган банкнотлар, хазина билетлари ва тангалар кўринишидаги чет эл пул белгилари, муомаладан чиқарилган ёки чиқарилаётган ҳамда худди шу хорижий давлатнинг пул белгиларига алмаштирилиши лозим бўлган чет эл пул белгиларидир.";

саккизинчи хатбоши қуйидаги таҳрирда баён қилинсин:

"Валюта бойликлари - чет эл валютаси, чет эл валютасидаги қимматли қоғозлар, чет эл валютасидаги тўлов ҳужжатлари ва соф қуйма олтиндир.";

саккизинчи хатбошидан кейин қуйидаги мазмундаги тўққизинчи хатбоши билан тўлдирилсин:

“Чет эл валютасидаги қимматли қоғозлар - "Қимматли қоғозлар ва фонд биржаси тўғрисида"ги Ўзбекистон Республикаси Қонуни ёки хорижий давлатларнинг қонун ҳужжатларига мувофиқ қимматли қоғозлар жумласига киритилган, қиймати чет эл валютасида ифодаланган пул ҳужжатларидир.”