ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

17.07.2006 й.

N 1596

ЎЗБЕКИСТОН СТАНДАРТЛАШТИРИШ,

МЕТРОЛОГИЯ ВА СЕРТИФИКАТЛАШТИРИШ

АГЕНТЛИГИ БОШ ДИРЕКТОРИНИНГ

10.05.2006 й.

N 157

БУЙРУҒИ

Маҳсулотларни сертификатлаштириш

органлари, синов (ўлчаш) лабораторияларини

(марказларини), сертификатлаштириш соҳасидаги

текширув органларини аккредитация қилиш

қоидаларини тасдиқлаш тўғрисида

(2006 йил 27 июлдан кучга киради)

Ўзбекистон Республикаси "Маҳсулотларни ва хизматларни сертификатлаштириш тўғрисида"ги, "Метрология тўғрисида"ги қонунларига, Ўзбекистон Республикаси Вазирлар Маҳкамасининг 2004 йил 5 августдаги 373-сонли "Ўзбекистон давлат стандартлаштириш, метрология ва сертификатлаштириш агентлиги тузилмасини такомиллаштириш ва унинг фаолиятини ташкил этиш тўғрисида"ги қарори билан тасдиқланган Ўзбекистон стандартлаштириш, метрология ва сертификатлаштириш агентлиги тўғрисидаги низомига асосан БУЮРАМАН:

1. Маҳсулотларни сертификатлаштириш органлари, синов (ўлчаш) лабораторияларини (марказларини), сертификатлаштириш соҳасидаги текширув органларини аккредитация қилиш қоидалари иловага* мувофиқ тасдиқлансин.

2. Ушбу буйруқ кучга кирган кундан бошлаб, Ўзбекистон давлат стандарти O`zDSt16.1 "ЎзР АТ. Сертификатлаштириш идоралари ва текшириш идораларини аккредитлашни ўтказиш тартиби" ўз кучини йўқотган деб ҳисоблансин.

3. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

Ўзбекистон стандартлаштириш,

метрология ва сертификатлаштириш

агентлиги Бош директори                                                   Р. Бўриев

*) Илова рус тилидаги матнда берилган.

"Ўзбекистон Республикаси қонун ҳужжатлари тўплами", 2006 йил, 28-29-сон, 283-модда.