ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

06.11.1998 й.

N 520

ТАСДИҚЛАНГАН

ЎЗБЕКИСТОН РЕСПУБЛИКАСИ

ДАВЛАТ СОЛИҚ ҚЎМИТАСИ

05.10.1998 й.

N 98-114

Мазкур Йўриқнома рус тилида тасдиқланган.

Ҳужжатнинг матни Норма газетаси  ва  ахборот-қидирув

тизими   экспертлари  томонидан  ўзбек  тилига  таржима

қилинган  ва ахборот  тусига  эга.   Ноаниқликлар   келиб

чиққанида  меъёрий-ҳуқуқий  ҳужжатнинг  рус   тилидаги

матнига қаранг.

Ўзбекистон Республикаси ҳудудига импорт

қилинадиган товарлар, ишлар, хизматларга

нисбатан қўшилган қиймат солиғини

қўллаш тартиби тўғрисида

ЙЎРИҚНОМА

I. УМУМИЙ ҚОИДАЛАР

Мазкур йўриқнома Ўзбекистон Республикаси Солиқ ва Божхона кодекслари асосида ишлаб чиқилган ва Ўзбекистон Республикаси ҳудудига импорт қилинадиган товарлар, ишлар, хизматларга нисбатан қўшилган қиймат солиғини ҳисоблаш ва тўлаш тартибини белгилаб беради.

II. ҚЎШИЛГАН ҚИЙМАТ СОЛИҒИ ТЎЛОВЧИЛАРИ

2.1. Импорт қилинаётган товарлар, ишлар, хизматларга оид қўшилган қиймат солиғи тўловчилари бўлиб ушбу товарлар, ишлар, хизматларни импорт қилувчи юридик ва жисмоний шахслар ҳисобланадилар.

2.2. Қўшилган қиймат солиғи бевосита декларант ёки, агар қонун ҳужжатларида ўзга ҳоллар кўзда тутилмаган бўлса, исталган манфаатдор шахс томонидан тўланиши мумкин.

III. СОЛИҚҚА ТОРТИШ ОБЪЕКТИ ВА ҚЎШИЛГАН

ҚИЙМАТ СОЛИҒИНИ ҲИСОБЛАШ ТАРТИБИ

3.1. Қўшилган қиймат солиғига тортишда республика ҳудудига Ўзбекистон Республикаси божхона қонунлари асосида янгиланган божхона режимларига мувофиқ импорт қилинадиган товарлар, ишлар ва хизматлар (шу жумладан, МДҲ давлатларидан импорт қилинадиган товарлар, ишлар ва хизматлар) солиқ солиш объекти бўлиб ҳисобланади.

3.2. Ўзбекистон Республикаси ҳудудига импорт қилинадиган товарлар (ишлар, хизматлар) бўйича қўшилган қиймат солиғининг ҳисобланиши учун божхона қонунларига мувофиқ белгиланадиган божхона қиймати асос бўлиб ҳисобланади.