ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

13.03.2006 й.

N 1218-3

ҚАРОРИ

Айрим турдаги тадбиркорлик фаолияти билан

шуғулланаётган юридик ва жисмоний шахслар

учун қатъий белгиланган солиқни ҳисоблаб

чиқариш ва тўлаш тартиби тўғрисидаги

низомга ўзгартиришлар киритиш ҳақида

(2006 йил 23 мартдан кучга киради)

Ўзбекистон Республикаси Солиқ кодекси, Ўзбекистон Республикаси "Давлат солиқ хизмати тўғрисида"ги Қонунининг 7-моддаси ва Ўзбекистон Республикаси Президентининг 2005 йил 27 декабрдаги "Ўзбекистон Республикасининг 2006 йилги асосий макроиқтисодий кўрсаткичлари прогнози ва Давлат бюджети параметрлари тўғрисида"ги ПҚ-244-сон қарорига (Ўзбекистон Республикаси Қонун ҳужжатлари тўплами, 2005 й., 52-сон, 386-модда) мувофиқ ҚАРОР ҚИЛАМИЗ:

1. Ўзбекистон Республикаси Молия вазирлиги ва Давлат солиқ қўмитасининг 2003 йил 31 январдаги 24, 2003-19-сон қарори билан тасдиқланган Айрим турдаги тадбиркорлик фаолияти билан шуғулланаётган юридик ва жисмоний шахслар учун қатъий белгиланган солиқни ҳисоблаб чиқариш ва тўлаш тартиби тўғрисидаги низомга (2003 йил 16 февраль, рўйхат рақами 1218 - Меъёрий ҳужжатлар ахборотномаси, 2003 й., 4-сон; Ўзбекистон Республикаси Қонун ҳужжатлари тўплами, 2004 й., 6-сон, 79-модда; 2005 йил, 5-6-сон, 50-модда) иловага мувофиқ ўзгартиришлар киритилсин.

2. Мазкур қарор Ўзбекистон Республикаси Адлия вазирлигида давлат рўйхатига олинган кундан бошлаб ўн кун ўтгач кучга киради.

Молия вазири                                                                Р. Азимов

Давлат солиқ қўмитаси раиси                                       Б. Парпиев

Қарорга

ИЛОВА

Айрим турдаги тадбиркорлик фаолияти

билан шуғулланаётган юридик ва жисмоний

шахслар учун қатъий белгиланган солиқни ҳисоблаб

чиқариш ва тўлаш тартиби тўғрисидаги низомга

киритилаётган ўзгартиришлар

1. 3-банднинг бешинчи хатбоши қуйидаги таҳрирда баён этилсин:

"айрим турлардаги товарлар билан чакана савдо қилиш ҳуқуқи учун йиғим (юридик шахслар учун);".

2. 8-банднинг иккинчи хатбоши чиқариб ташлансин.

3. 10-банднинг охирги хатбоши қуйидаги таҳрирда баён этилсин:

"С - қатъий белгиланган солиқнинг ставкаси.".

"Ўзбекистон Республикаси қонун ҳужжатлари тўплами", 2006 йил, 11-сон, 91-модда.