ЎЗБЕКИСТОН РЕСПУБЛИКАСИ

ОЛИЙ КЕНГАШИНИНГ

ҚАРОРИ

03.07.1992 й.

N 655-XII

"ДЕҲҚОН ХЎЖАЛИГИ ТЎҒРИСИДА"ГИ

ЎЗБЕКИСТОН РЕСПУБЛИКАСИ ҚОНУНИНИ

АМАЛГА КИРИТИШ ТАРТИБИ ҲАҚИДА

Ўзбекистон Республикасининг Олий Кенгаши ҚАРОР ҚИЛАДИ:

1. "Деҳқон хўжалиги тўғрисида"ги Ўзбекистон Республикаси Қонуни эълон қилинган пайтдан эътиборан амалга киритилсин.

2. Белгилаб қўйилсинки, Ўзбекистон Республикасининг қонунлари "Деҳқон хўжалиги тўғрисида"ги Ўзбекистон Республикаси Қонунига мувофиқлаштирилиб олингунга қадар ушбу Қонунга зид бўлмагани учун Ўзбекистон Республикасининг амалдаги ҳужжатлари қўлланаверади.

3. Ўзбекистон Республикаси Президенти ҳузуридаги Вазирлар Маҳкамасига уч ойлик муддат ичида:

Ўзбекистон Республикаси Ҳукуматининг қарорларини "Деҳқон хўжалиги тўғрисида"ги Ўзбекистон Республикаси Қонунига мувофиқлаштириш;

Ўзбекистон Республикасининг қонун ҳужжатларини "Деҳқон хўжалиги тўғрисида"ги Ўзбекистон Республикаси Қонунига мувофиқлаштириш хусусида Ўзбекистон Республикаси Олий Кенгашига таклифлар тақдим этиш вазифаси топширилсин.

4. "Ер тўғрисида"ги Ўзбекистон Республикаси Қонунининг (Ўзбекистсн Республикаси Олий Кенгашининг Ахборотномаси, 1990 йил, N 16-18, 294-модда) 11-моддасига ўзгартириш киритилиб, модданинг биринчи қисмидаги "5 йилга" деган сўзлар "10 йилга" деган сўзлар билан алмаштирилсин.

Ўзбекистон Республикаси

Олий Кенгашининг Раиси                                               Ш. Йўлдошев