ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

04.02.2003 й.

N 1092-1

ҚАРОРИ

Тижорат воситалари учун истеъмол қилинадиган бензин,

дизел ёқилғиси ва суюлтирилган газ учун жисмоний

шахслардан олинадиган солиқни ҳисоблаш ва тўлаш

тартиби тўғрисидаги йўриқномага ўзгартиришлар

киритиш ҳақида

Ўзбекистон Республикаси Вазирлар Маҳкамасининг 2002 йил 30 декабрдаги "2003 йилда Ўзбекистон Республикаси давлат бюджетининг асосий макроиқтисодий кўрсаткичлари ва параметрларининг истиқболлари тўғрисида"ги 455-сон Қарорига мувофиқ ҚАРОР ҚИЛАМИЗ:

1. Ўзбекистон Республикаси Молия вазирлиги ва Ўзбекистон Республикаси Давлат солиқ қўмитасининг 2002 йил 3 январдаги "Транспорт воситалари учун истеъмол қилинадиган бензин, дизел ёқилғиси ва суюлтирилган газ учун жисмоний шахслардан олинадиган солиқни ҳисоблаш ва тўлаш тартиби тўғрисидаги Йўриқномани тасдиқлаш ҳақида"ги 2-сонли ва 2002-1-сонли қарорининг, шунингдек ушбу Қарор билан тасдиқланган "Транспорт воситалари учун истеъмол қилинадиган бензин, дизел ёқилғиси ва суюлтирилган газ учун жисмоний шахслардан олинадиган солиқни ҳисоблаш ва тўлаш тартиби тўғрисида Йўриқнома"нинг (Ўзбекистон Республикаси Адлия вазирлиги томонидан 2002 йил 3 январда 1092-сон билан рўйхатга олинган, Ўзбекистон Республикасининг вазирликлари, давлат қўмиталари ва идораларининг меъёрий ҳужжатлари бюллетени, 2002 йил 1-2-сонлар) номидаги ва матндаги "суюлтирилган" сўзи чиқариб ташлансин.

2. Мазкур Қарор Ўзбекистон Республикаси Адлия вазирлигида давлат рўйхатидан ўтган вақтдан эътиборан ўн кундан кейин кучга киради.

Молия вазири                                        М.Б. Нурмуратов

Давлат солиқ қўмитаси раиси               Д.Б. Сайфиддинов

"Ўзбекистон Республикаси Молиявий қонунлари тўплами" 2003 йил, 4-сон.