ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

13.05.1998 й.

N 205

БОШОҚЛИ ЭКИНЛАР ДОНИ ХАРИД

НАРХЛАРИНИ ОШИРИШ ТЎҒРИСИДА

Ғалла экувчи хўжаликларни бошоқли экинлар дони етиштиришни кўпайтиришга рағбатлантириш мақсадида ва моддий-техника ресурсларига нархларнинг ошганлиги муносабати билан Вазирлар Маҳкамаси ҚАРОР ҚИЛАДИ:

1. 1998 йилги ҳосилидан бошлаб бошоқли экинлар дони ўртача харид нархлари қуйидаги миқдорларда белгилансин:

буғдой - 11000 сўм/т;

жавдар - 10450 сўм/т;

арпа ва сули - 8800 сўм/т.

2. Ўзбекистон Республикаси Молия вазирлиги ўн кун муддатда бошоқли экинлар дони учун янги харид нархлари прейскурантини ишлаб чиқсин ва тегишли вазирликлар ва идораларга етказсин.

3. Ўзбекистон Республикаси Вазирлар Маҳкамасининг 1997 йил 7 майдаги 231-сон қарори билан тасдиқланган бошоқли экинлар дони харид нархлари ўз кучини йўқотган деб ҳисоблансин.

Вазирлар Маҳкамасининг Раиси                                           И. Каримов