Ўзбекистон Республикаси Вазирлар Маҳкамасининг 04.09.1998 й. 379-сон "Ўсимлик ёғига акциз солиғи ставкалари тўғрисида"ги Қарори
ЎЗБЕКИСТОН РЕСПУБЛИКАСИ
ВАЗИРЛАР МАҲКАМАСИНИНГ
ҚАРОРИ
04.09.1998 й.
N 379
ЎСИМЛИК ЁҒИГА АКЦИЗ СОЛИҒИ
СТАВКАЛАРИ ТЎҒРИСИДА
Республика ички истеъмол бозорини ўсимлик ёғи билан барқарор тўлдиришни таъминлаш мақсадида Вазирлар Маҳкамаси ҚАРОР ҚИЛАДИ:
1. Белгилаб қўйилсинки, 1998 йил 1 октябрдан бошлаб ўсимлик ёги учун акциз солиғи:
Ўзбекистон Республикасида ишлаб чиқариладиган пахта ёғи (саноат мақсадларида фойдаланиладиган ёғ бундан мустасно) учун уни ҳисоблашнинг амалдаги тартибини сақлаб қолган ҳолда 65 фоизли ставка бўйича ундирилади;
Ўзбекистон Республикаси ҳудудига олиб келинадиган учун товар бож қийматининг 20 фоизи миқдоридаги ставка бўйича ундирилади.
2. Қуйидагилар ўз кучини йўқотган деб ҳисоблансин: Ўзбекистон Республикаси Вазирлар Маҳкамасининг "1998 йилда Ўзбекистон Республикасининг асосий макроиқтисодий кўрсаткичлари прогнози ва Давлат бюджети тўғрисида" 1997 йил 5 декабрдаги 540-сон қарорига 14-1-илованинг ўсимлик ёғига оид қисми;
Ўзбекистон Республикаси Вазирлар Маҳкамасининг "Импортни тарифлар билан бошқариш чора-тадбирлари тўғрисида" 1998 йил 24 февралдаги 80-сон қарорига 2-илованинг ўсимлик ёғига оид қисми.
3. Мазкур қарорнинг бажарилишини назорат қилиш Ўзбекистон Республикаси Бош вазирининг Ўринбосари Б.С. Ҳамидов зиммасига юклансин.
Вазирлар Маҳкамасининг Раиси И. Каримов