Ўзбекистон Республикаси Президентининг 01.05.1995 й. ПФ-1149-сон "Ўзбекистон Республикасининг Миллий хавфсизлик Кенгаши тўғрисида"ги Фармони
ЎЗБЕКИСТОН РЕСПУБЛИКАСИ
ПРЕЗИДЕНТИНИНГ
ФАРМОНИ
01.05.1995 й.
N ПФ-1149
ЎЗБЕКИСТОН РЕСПУБЛИКАСИНИНГ
МИЛЛИЙ ХАВФСИЗЛИК КЕНГАШИ
ТЎҒРИСИДА
Биринчи чақириқ Ўзбекистон Республикаси Олий Мажлиси биринчи сессиясининг қарорларига мувофиқ, миллий хавфсизлик масалалари бўйича давлат сиёсатини ишлаб чиқиш ва мувофиқлаштириш мақсадида:
1. Ўзбекистон Республикаси Президенти ҳузурида Миллий Хавфсизлик Кенгаши - хавфсизликни таъминлаш соҳасида давлатнинг ички ва ташқи сиёсати масалалари бўйича маслаҳат органи ташкил қилинсин.
2. Ўзбекистон Республикасининг Миллий хавфсизлик Кенгаши тўғрисида низом ва унинг аъзолари таркиби тасдиқлансин.
3. Ўзбекистон Республикаси Мудофаа вазирлиги тегишли вазирликлар ва идоралар билан биргаликда кейинчалик Ўзбекистон Республикасининг Олий Мажлиси муҳокамасига тақдим этиш учун "Миллий хавфсизлик тўғрисида"ги Қонун лойиҳасини ишлаб чиқсин.
Ўзбекистон Республикаси Президенти И. Каримов