ЎЗБЕКИСТОН РЕСПУБЛИКАСИ

ПРЕЗИДЕНТИНИНГ

ҚАРОРИ

04.11.2014 й.

N ПҚ-2259

ЎЗБЕКИСТОН РЕСПУБЛИКАСИ

ПРЕЗИДЕНТИНИНГ "ТАДБИРКОРЛИК ФАОЛИЯТИНИ

ЯНАДА ҚЎЛЛАБ-ҚУВВАТЛАШ ВА РИВОЖЛАНТИРИШ

ЧОРА-ТАДБИРЛАРИ ТЎҒРИСИДА" 2009 ЙИЛ

15 МАЙДАГИ ПҚ-1112-СОНЛИ ҚАРОРИГА

ЎЗГАРТИШ КИРИТИШ ТЎҒРИСИДА

Кадастр хизматларини кўрсатиш тартибини янада соддалаштириш мақсадида:

1. Ўзбекистон Республикаси Президентининг "Ўзбекистон Республикасида инвестиция иқлими ва ишбилармонлик муҳитини янада такомиллаштиришга доир қўшимча чора-тадбирлар тўғрисида" 2014 йил 7 апрелдаги ПФ-4609-сонли Фармонини бажариш юзасидан республика Ҳукумати томонидан Кадастр ҳужжатларини расмийлаштириш ва техник инвентаризация бўйича давлат хизматлари қийматини аниқлаш тартиби тасдиқланганлиги маълумот учун қабул қилинсин.

2. Ўзбекистон Республикаси Президентининг "Тадбиркорлик фаолиятини янада қўллаб-қувватлаш ва ривожлантириш чора-тадбирлари тўғрисида" 2009 йил 15 майдаги ПҚ-1112-сонли қарорининг 1-банди ва унинг 1-иловаси ўз кучини йўқотган деб ҳисоблансин.

3. Ушбу қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.

Ўзбекистон Республикаси Президенти                                        И. Каримов

"Ўзбекистон Республикаси қонун ҳужжатлари тўплами",

2014 йил 10 ноябрь, 45-сон, 544-модда