Адлия вазирлигининг 4-сон, Миллий хавфсизлик хизматининг 68-сон, Бош прокуратурасининг 13-ҚҚ-сон, Ички ишлар вазирлигининг 22-сон, Давлат солиқ қўмитасининг 2017-28-сон, Давлат божхона қўмитасининг 01-02/4-23-сон "Қўзғатилган жиноят ишлари бўйича тадбиркорлик субъектлари фаолиятини текширишларда адвокатларнинг мажбурий иштирокини таъминлаш тартиби тўғрисидаги низомнинг 4-бандига ўзгартириш киритиш ҳақида"ги 08.06.2017 й. Қарори (АВ томонидан 08.06.2017 й. 2757-1-сон билан рўйхатга олинган)
ЎЗБЕКИСТОН РЕСПУБЛИКАСИ
АДЛИЯ ВАЗИРЛИГИ ТОМОНИДАН
РЎЙХАТГА ОЛИНГАН
08.06.2017 й.
N 2757-1
ЎЗБЕКИСТОН РЕСПУБЛИКАСИ АДЛИЯ ВАЗИРЛИГИНИНГ 08.06.2017 й. N 4 |
ЎЗБЕКИСТОН РЕСПУБЛИКАСИ МИЛЛИЙ ХАВФСИЗЛИК ХИЗМАТИНИНГ 08.06.2017 й. N 68 |
ЎЗБЕКИСТОН РЕСПУБЛИКАСИ БОШ ПРОКУРАТУРАСИНИНГ 08.06.2017 й. N 13-ҚҚ |
ЎЗБЕКИСТОН РЕСПУБЛИКАСИ ИЧКИ ИШЛАР ВАЗИРЛИГИНИНГ 08.06.2017 й. N 22 |
ЎЗБЕКИСТОН РЕСПУБЛИКАСИ ДАВЛАТ СОЛИҚ ҚЎМИТАСИНИНГ 08.06.2017 й. N 2017-28 |
ЎЗБЕКИСТОН РЕСПУБЛИКАСИ ДАВЛАТ БОЖХОНА ҚЎМИТАСИНИНГ 08.06.2017 й. N 01-02/4-23 |
ҚАРОРИ
Қўзғатилган жиноят ишлари бўйича тадбиркорлик
субъектлари фаолиятини текширишларда адвокатларнинг
мажбурий иштирокини таъминлаш тартиби тўғрисидаги
низомнинг 4-бандига ўзгартириш киритиш ҳақида
Ўзбекистон Республикаси Президентининг 2016 йил 5 октябрдаги ПФ-4848-сон "Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар тўғрисида"ги Фармонига мувофиқ Ўзбекистон Республикаси Адлия вазирлиги, Миллий хавфсизлик хизмати, Бош прокуратураси, Ички ишлар вазирлиги, Давлат солиқ қўмитаси, Давлат божхона қўмитаси ҚАРОР ҚИЛАДИ:
1. Ўзбекистон Республикаси Адлия вазирлиги, Миллий хавфсизлик хизмати, Бош прокуратураси, Ички ишлар вазирлиги, Давлат солиқ қўмитаси ва Давлат божхона қўмитасининг 2016 йил 13 январдаги 1, 4, 2-ққ, 1, 2016-02, 01-02/20-1-сон қарори (рўйхат рақами 2757, 2016 йил 28 январь) (Ўзбекистон Республикаси қонун ҳужжатлари тўплами, 2016 й., 4-сон, 41-модда) билан тасдиқланган Қўзғатилган жиноят ишлари бўйича тадбиркорлик субъектлари фаолиятини текширишларда адвокатларнинг мажбурий иштирокини таъминлаш тартиби тўғрисидаги низомнинг 4-бандидан ", шу жумладан муқобил текширишлар" деган сўзлар чиқариб ташлансин.
2. Мазкур қарор Ўзбекистон Республикаси Адвокатлар палатаси билан келишилган.
3. Мазкур қарор расмий эълон қилинган кундан эътиборан кучга киради.
Адлия вазири
|
М. Икрамов |
Миллий хавфсизлик хизмати раиси
|
Р. Иноятов |
Бош прокурор
|
И. Абдуллаев |
Ички ишлар вазири
|
А. Азизов |
Давлат солиқ қўмитаси раиси
|
Б. Парпиев |
Давлат божхона қўмитаси раиси |
М. Тохирий |
"Ўзбекистон Республикаси қонун ҳужжатлари тўплами",
2017 йил 12 июнь, 23-сон, 485-модда
Канал в телеграм 