Ўзбекистон Республикаси Президенти ҳузуридаги Вазирлар Маҳкамасининг 06.03.1992 й. 105-сон "Ўзбекистон ССР Президенти ҳузуридаги Вазирлар Маҳкамасининг 1991 йил 25 мартдаги 65-сон қарорига ўзгартишлар киритиш тўғрисида"ги Қарори
ЎЗБЕКИСТОН РЕСПУБЛИКАСИ
ПРЕЗИДЕНТИ ҲУЗУРИДАГИ
ВАЗИРЛАР МАҲКАМАСИНИНГ
ҚАРОРИ
06.03.1992 й.
N 105
ЎЗБЕКИСТОН ССР ПРЕЗИДЕНТИ
ҲУЗУРИДАГИ ВАЗИРЛАР МАҲКАМАСИНИНГ
1991 ЙИЛ 25 МАРТДАГИ 65-СОН ҚАРОРИГА
ЎЗГАРТИШЛАР КИРИТИШ ТЎҒРИСИДА
Иш ҳақи ва пенсиялар энг кам миқдорининг 350 сўмгача кўпайганлиги муносабати билан Вазирлар Маҳкамаси ҚАРОР ҚИЛАДИ:
Ўзбекистон ССР Президенти ҳузуридаги Вазирлар Маҳкамасининг 1991 йил 25 мартдаги 65-сон қарорига қуйидаги ўзгартишлар киритилсин:
11-банд “г” кичик бандининг учинчи хатбоши қуйидагича таҳрирда баён қилинсин:
“бир ярим ёшдан 6 ёшгача бўлган болаларга. Бунда нафақа олиш ҳуқуқини берувчи оила аъзосининг жами даромади чегараси энг кам ойлик иш ҳақининг икки баравар миқдорида-700 сўм қилиб белгилансин”;
14-банднинг иккинчи хатбоши қуйидагича таҳрирда баён қилинсин:
“Мазкур қарорнинг 12 ва 13-бандлари билан белгиланган тўловлар оила аъзосига тўғри келадиган жами даромад энг кам иш ҳақининг икки баравар миқдори - 700 сўмдан ошмайдиган болали оилаларга берилсин”.
Ўзбекистон Республикасининг Бош вазири А. Муталов