АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

18.01.2023 й.

N 139

ЎЗБЕКИСТОН РЕСПУБЛИКАСИ

ҚУРИЛИШ ВАЗИРИНИНГ

14.12.2022 й.

242-сон

БУЙРУҒИ

O`z DSt 891:2022

"Саноат ва қишлоқ хўжалиги корхоналари

бинолари учун ёғоч деразалар. Турлари, конструкцияси

ва ўлчамлари" Ўзбекистон Республикасининг

давлат стандартини тасдиқлаш тўғрисида

[Ўзбекистон Республикаси Адлия вазирлиги томонидан

2023 йил 18 январда ҳисобга олинди, ҳисоб рақами 139]

Ўзбекистон Республикасининг "Стандартлаштириш тўғрисида"ги Қонуни ва Ўзбекистон Республикаси Президентининг 2021 йил 2 июндаги ПФ-6240-сон "Техник жиҳатдан тартибга солиш соҳасида давлат бошқарувини тубдан такомиллаштириш тўғрисида"ги Фармонига мувофиқ буюраман:

1. O`z DSt 891:2022 "Саноат ва қишлоқ хўжалиги корхоналари бинолари учун ёғоч деразалар. Турлари, конструкцияси ва ўлчамлари" Ўзбекистон Республикасининг давлат стандарти иловага мувофиқ тасдиқлансин.

2. Ўзбекистон Республикаси давлат архитектура ва қурилиш қўмитаси раисининг 1998 йил 1 майдаги 37-сон буйруғи билан тасдиқланган O`z RSt 891:1998 "Саноат ва қишлоқ хўжалиги корхоналари бинолари учун ёғоч деразалар" Ўзбекистон Республикасининг стандарти ўз кучини йўқотган деб топилсин.

3. Мазкур буйруқ Ўзбекистон Республикаси Инвестициялар ва ташқи савдо вазирлиги ҳузуридаги Ўзбекистон техник жиҳатдан тартибга солиш агентлиги, Санитария-эпидемиологик осойишталик ва жамоат саломатлиги хизмати ҳамда "Ўзсаноатқурилишматериаллари" уюшмаси билан келишилган.

4. Мазкур буйруқ расмий эълон қилинган кундан эътиборан кучга киради.

Вазир                                                                                    Б. Закиров

Қонун ҳужжатлари маълумотлари миллий базаси (www.lex.uz).