АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

19.12.2022 й.

N 127

ЎЗБЕКИСТОН РЕСПУБЛИКАСИ

ҚУРИЛИШ ВАЗИРИНИНГ

02.12.2022 й.

219-сон

БУЙРУҒИ

O`z DSt 886:2022 "Пўлатли марш зиналар,

майдончалар ва тўсиқлар. Техник шартлар"

Ўзбекистон Республикасининг давлат стандартини

тасдиқлаш тўғрисида

[Ўзбекистон Республикаси Адлия вазирлиги томонидан

2022 йил 19 декабрда ҳисобга олинди, ҳисоб рақами 127]

Ўзбекистон Республикасининг "Стандартлаштириш тўғрисида"ги Қонуни ва Ўзбекистон Республикаси Президентининг 2021 йил 2 июндаги ПФ-6240-сон "Техник жиҳатдан тартибга солиш соҳасида давлат бошқарувини тубдан такомиллаштириш тўғрисида"ги Фармонига мувофиқ БУЮРАМАН:

1. O`z DSt 886:2022 "Пўлатли марш зиналар, майдончалар ва тўсиқлар. Техник шартлар" Ўзбекистон Республикаси давлат стандарти иловага мувофиқ тасдиқлансин.

2. Ўзбекистон Республикаси давлат архитектура ва қурилиш қўмитаси раисининг 1998 йил 29 апрелдаги 39-сон буйруғи билан тасдиқланган Ўз РСТ 886-98 "Пўлат марш зиналар, майдончалар ва тўсиқлар" Ўзбекистон Республикаси стандарти ўз кучини йўқотган деб топилсин.

3. Мазкур буйруқ Ўзбекистон Республикаси Фавқулодда вазиятлар вазирлиги, Инвестициялар ва ташқи савдо вазирлиги ҳузуридаги Ўзбекистон техник жиҳатдан тартибга солиш агентлиги, Санитария-эпидемиологик осойишталик ва жамоат саломатлиги хизмати ҳамда "Ўзсаноатқурилишматериаллари" уюшмаси билан келишилган.

4. Мазкур буйруқ расмий эълон қилинган кундан эътиборан кучга киради.

Вазир                                                                                    Б. Закиров

Қонун ҳужжатлари маълумотлари миллий базаси (www.lex.uz).