АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

15.09.2023 й.

N 209

ЎЗБЕКИСТОН РЕСПУБЛИКАСИ

ҚУРИЛИШ ВА УЙ-ЖОЙ КОММУНАЛ

ХЎЖАЛИГИ ВАЗИРИНИНГ

24.08.2023 й.

N 218

БУЙРУҒИ

O`z DSt 862:2023

Темир-бетон маҳсулотларни ясаш учун пўлат қолиплар.

Тешик ҳосил қилувчилар ва вкладишлар. Конструкциялар"

Ўзбекистон Республикасининг давлат стандартини

тасдиқлаш тўғрисида

[Ўзбекистон Республикаси Адлия вазирлиги томонидан

2023 йил 15 сентябрда ҳисобга олинди, ҳисоб рақами 209]

Ўзбекистон Республикасининг "Стандартлаштириш тўғрисида"ги Қонуни ва Ўзбекистон Республикаси Президентининг 2021 йил 2 июндаги ПФ-6240-сон "Техник жиҳатдан тартибга солиш соҳасида давлат бошқарувини тубдан такомиллаштириш тўғрисида"ги Фармонига мувофиқ БУЮРАМАН:

1. O`z DSt 862:2023 "Темир-бетон маҳсулотларни ясаш учун пўлат қолиплар. Тешик ҳосил қилувчилар ва вкладишлар. Конструкциялар" Ўзбекистон Республикасининг давлат стандарти иловага мувофиқ тасдиқлансин.

2. Ўзбекистон Республикаси Давлат архитектура ва қурилиш қўмитаси раисининг 1998 йил 3 февралдаги 12-сон буйруғи билан тасдиқланган Ўз РСт 862:98 "Темирбетон буюмларни ясаш учун пўлат қолиплар. Тешик ҳосил қилувчилар ва ўрнатмалар. Конструкцияси" Ўзбекистон Республикасининг стандарти ўз кучини йўқотган деб топилсин.

3. Мазкур буйруқ Ўзбекистон Республикаси Инвестициялар, саноат ва савдо вазирлиги ҳузуридаги Ўзбекистон техник жиҳатдан тартибга солиш агентлиги ва Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси билан келишилган.

4. Мазкур буйруқ расмий эълон қилинган кундан эътиборан уч ой ўтгач кучга киради.

Вазир                                                                                         Б. Закиров

Қонун ҳужжатлари маълумотлари миллий базаси (www.lex.uz).