Пригодится каждому кадровику в декабре:
Вахта усулида ишлашни ташкил этиш тартиби тўғрисидаги намунавий низом тасдиқланди
Ишнинг вахта усулидан фойдаланадиган корхоналар уни қўллаш тартибини касаба уюшмаси қўмитаси билан келишилган ҳолда мустақил равишда тасдиқлайди. Вазирлар Маҳкамаси 13.07.2023 йилдаги 287-сон қарори билан Вахта усулида ишлашни ташкил этиш тартиби тўғрисидаги намунавий низомни тасдиқлади.
Меҳнат қонунчилиги янгиликларидан хабардор бўлиш учун телеграм-каналимизга обуна бўлинг.
Вахта усулида ишлашни қуйидаги ҳолатларда қўллаш мумкин:
- ўрмон хўжалиги, геология-қидирув, алоқа ва темир йўл транспорти ташкилотларида;
- қурилиш-монтаж, шунингдек, реконструкция-таъмирлаш ишларини амалга ошираётган қурилиш ташкилотларида;
- энергетика объектларидан фойдаланишда (эксплуатация қилишда);
- нефть ва газ саноати объектларида;
- рангли ва қимматбаҳо металлар, кўмир ва бошқа табиий бойликлар конларини ўзлаштиришда;
- вахта усули қўлланган ташкилотлар ходимларига хизмат кўрсатаётган тиббий, савдо ва умумий овқатланиш, транспорт ташкилотларида;
- автомобиль йўлларини қуриш ва реконструкция қилиш ҳамда бошқа ташкилотларда.
Ишнинг вахта усулини қўллаш тартиби – локал меъёрий ҳужжат бўлиб, вахта объектига эга корхоналарда мажбурий ҳисобланади. У касаба уюшмаси қўмитаси билан келишилган бўлиши ва имзо қўйдирилган ҳолда ходимлар эътиборига етказилиши керак.
