ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

06.01.1998 й.

N 8

ЎЗБЕКИСТОН РЕСПУБЛИКАСИ ҚИШЛОҚ ВА

СУВ ХЎЖАЛИГИ ВАЗИРЛИГИ МАШИНА ВА

АСБОБ-УСКУНАЛАРНИНГ ТЕХНИКАВИЙ

ҲОЛАТИНИ НАЗОРАТ ҚИЛИШ ДАВЛАТ

БОШ ИНСПЕКЦИЯСИ ТЎҒРИСИДАГИ

НИЗОМНИ ТАСДИҚЛАШ ҲАҚИДА

Вазирлар Маҳкамаси ҚАРОР ҚИЛАДИ:

1. Қуйидагилар:

Ўзбекистон Республикаси Қишлоқ ва сув хўжалиги вазирлиги Машина ва асбоб-ускуналарнинг техникавий ҳолатини назорат қилиш давлат бош инспекцияси тўғрисидаги Низом 1-иловага мувофиқ;

мулкчилик шаклларидан қатъи назар, хўжаликлар, корхоналар ва ташкилотлардан, хусусий тадбиркорлардан, жисмоний шахслардан тракторларни, бошқа машиналарни техникавий кўрикдан ва рўйхатдан ҳамда механизаторларни аттестациядан ўтказиш учун "Давтехназорат" инспекциялари томонидан ундириладиган йиғимлар рўйхати 2-иловага* мувофиқ тасдиқлансин.

2. Ўзбекистон ССР Министрлар Советининг 1969 йил 16 апрелдаги 178-сон ва 1976 йил 19 январдаги 36-сон қарорлари ўз кучини йўқотган деб ҳисоблансин.

Ўзбекистон Республикаси Бош вазири                               Ў. Султонов

*) 2-илова рус тилидаги матнда берилган.

"Ўзбекистон Республикаси Ҳукумати қарорлари тўплами", 1998 й., N 1, 1-модда.