ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИНИНГ

ҚАРОРИ

10.12.1996 й.

N 438

ТОВАРЛАРНИНГ АЙРИМ ТУРЛАРИГА

ИМПОРТ БОЖ ПОШЛИНАЛАРИ

СТАВКАЛАРИНИ ЎЗГАРТИРИШ

ТЎҒРИСИДА

Истеъмол товарлари импортини тартибга солиш ҳамда ватанимиз товар ишлаб чиқарувчилари манфаатларини ҳимоя қилишни таъминлаш мақсадида Вазирлар Маҳкамаси ҚАРОР ҚИЛАДИ:

1. 1997 йил 1 январдан бошлаб иловага мувофиқ истеъмол товарларининг айрим турларига импорт бож пошлиналарининг янги ставкалари жорий этилсин.

2. Мазкур қарорга иловага мувофиқ Вазирлар Маҳкамасининг "Ташқи иқтисодий фаолияти тартибга солиш механизмини такомиллаштириш чора-тадбирлари тўғрисида" 1996 йил 20 мартдаги 114-сон қарорига 2-иловага ва Вазирлар Маҳкамасининг "Ўзбекистон Республикасига товар импорт қилишни оқилона ташкил этиш чора-тадбирлари тўғрисида" 1996 йил 1 октябрдаги 342-сон қарорига 1-иловага ўзгартиришлар киритилсин.

3. Ўзбекистон Республикаси Молия вазирлиги Ташқи иқтисодий алоқалар вазирлиги билан биргаликда акциз солиғи солинадиган маҳсулотлар рўйхатини кенгайтириш ва акциз солиғи ставкаларини ўзгартириш юзасидан таклифларни икки ҳафта муддатда кўриб чиқиш учун тақдим этсин.

4. Ўзбекистон Республикаси Ташқи иқтисодий алоқалар вазирлиги "Ўзистиқболстат" давлат қўмитаси, Давлат солиқ қўмитаси ва Молия вазирлиги билан биргаликда 1997 йилнинг I чораги якунлари бўйича импортни тартибга солиш тизимини янада такомиллаштириш ва ватанимиз товар ишлаб чиқарувчиларини ҳимоя қилиш тўғрисида таклифлар тайёрласин ва кўриб чиқиш учун Вазирлар Маҳкамасига киритсин.

5. Мазкур қарорнинг бажарилишини назорат қилиш Ўзбекистон Республикасининг Бош вазири Ў.Т. Султонов зиммасига юклансин.

Вазирлар Маҳкамасининг Раиси                                              И. Каримов

Вазирлар Маҳкамасинииг

1996 йил 10 декабрдаги

438-сон қарорига

ИЛОВА

Импорт бож пошлиналари

СТАВКАЛАРИ