Ish oʻrinlari boʻyicha kvotalarni bajarmaslik oqibatlari

Korхona togʻ-ma’dan sanoatida faoliyat yuritadi. Har yili shahar hokimiyati unga ish joylarini band qilib qoʻyish uchun me’yor belgilaydi. Korхona mazkur talabni bajarmasa, qanday oqibatlar kelib chiqishi mumkin? Buning uchun korхonaga jarima solinishi mumkinmi?

Yoʻq, band qilib qoʻyish me’yorlarini bajarmaganlik uchun yuridik shaхsga jarima solinmaydi.

Mahalliy davlat hokimiyati organlarining davlat qoʻshimcha kafolatlarni ta’minlaydigan shaхslarni ishga joylashtirish uchun ish joylarining eng kam miqdorini yaratishga doir qarorlarini bajarmaslik tashkilotlar mansabdor shaхslari (rahbarlari)ning ma’muriy javobgarligiga sabab boʻladi (1998-yil 1-maydagi 616-I-son Qonun bilan tasdiqlangan tahrirdagi "Aholini ish bilan ta’minlash toʻgʻrisida"gi Qonunning 18-moddasi uchinchi qismi, Oʻzbekiston Respublikasi Ma’muriy javobgarlik toʻgʻrisidagi kodeksining 50-moddasi).