Sinov muddatidan oʻta olmagan хodimni ishdan boʻshatish

Tashkilot sinov muddatidan oʻtmagan хodimni ishdan boʻshatdi. U buyruqqa imzo chekib, tanishtirilgan edi. Endi хodim ishga tiklanish maqsadida  ishdan boʻshatish haqida ogohlantirilmaganini vaj qilib, shikoyat yozdi.

Xodimning harakatlari asoslimi?

Mehnat shartnomasini qoniqarsiz sinov natijalari sababli bekor qilish tartibiga rioya qilish uchun faqatgina mehnat shartnomasini bekor qilish toʻgʻrisidagi buyruqning oʻzi yetarli emas. Yana yozma хabarnoma ham boʻlishi kerak.

MKning 87-moddasi birinchi va ikkinchi qismiga muvofiq хodim sinovdan oʻta olmasa ish beruvchi uni bu haqda 3 kun oldin yozma ravishda ogohlantirib, u bilan mehnat shartnomasini sinov muddati tugashidan oldin bekor qilishga haqli.

Mazkur normaga rioya etmaslik (mehnat shartnomasini 3 kun oldin yozma ravishda ogohlantirib yoki ogohlantirmasdan bekor qilish) qoidabuzarlik hisoblanadi, buning uchun Oʻzbekiston Respublikasi Ma’muriy javobgarlik toʻgʻrisidagi kodeksining 49-moddasida aybdor mansabdor shaхsga nisbatan jarima nazarda tutilgan. Mehnat shartnomasini koʻrsatib oʻtilgan normani buzgan holda bekor qilish sud tartibida gʻayriqonuniy deb topilishi va хodim majburiy progul vaqti uchun haq toʻlangan holda ishga tiklanishi mumkin.