Ish haqi saqlanmagan ta’til davomiyligi

Xodimlardan birining qaramogʻida keksa otasi bor. Otasining kasalligi va doimiy ravishda ishdan ketish zaruriyati tufayli хodim ish haqi saqlanmagan holda ta’til berishni soʻrab ariza bilan murojaat qildi.

Ish beruvchi mazkur ta’tilni koʻpi bilan qancha muddatga berishi mumkin?

Ish haqi saqlanmagan holda beriladigan ta’til davri хodim bilan ish beruvchi oʻrtasidagi kelishuvga koʻra belgilanadi. Ta’til oʻn ikki oylik davr mobaynida jami uch oydan ortiq boʻlmasligi kerak .

Ish beruvchi tashkilot faoliyati bilan bogʻliq ishlab chiqarish va boshqa sabablarga koʻra хodimga mazkur ta’tilni u soʻragan muddatga berishni rad etishga haqli.