Иш ҳақи сақланмаган таътил давомийлиги

Ходимлардан бирининг қарамоғида кекса отаси бор. Отасининг касаллиги ва доимий равишда ишдан кетиш зарурияти туфайли ходим иш ҳақи сақланмаган ҳолда таътил беришни сўраб ариза билан мурожаат қилди.

Иш берувчи мазкур таътилни кўпи билан қанча муддатга бериши мумкин?

Иш ҳақи сақланмаган ҳолда бериладиган таътил даври ходим билан иш берувчи ўртасидаги келишувга кўра белгиланади. Таътил ўн икки ойлик давр мобайнида жами уч ойдан ортиқ бўлмаслиги керак .

Иш берувчи ташкилот фаолияти билан боғлиқ ишлаб чиқариш ва бошқа сабабларга кўра ходимга мазкур таътилни у сўраган муддатга беришни рад этишга ҳақли.