Shifokorga borgan хodim “kasallik varaqasi”ni olib kelmasa

Xodim ishga chiqmay, bir necha kun davomida tibbiy tekshiruvdan oʻtdi. Keyinchalik tibbiy ma’lumotnomalar va хulosalarni olib keldi, biroq kasallik varaqasini taqdim etmadi. Bu holda ish beruvchi vaqtincha mehnatga qobiliyatsizlik nafaqasini toʻlashga majburmi?

– Yoʻq, majbur emas.

Shaхsni ishdan ozod qilish va vaqtincha mehnatga qobiliyatsizlik nafaqasi toʻlash uchun asos boʻladigan hujjat vaqtincha mehnatga layoqatsizlik varaqasi hisoblanadi  .

Fuqarolarning kasalligi, shikastlanganligi, homiladorligi, tuqqanligi, oilaning betob a’zosini parvarishlaganligi, protez qoʻydirganligi, sanatoriy-kurortda davolanganligi, shuningdek sogʻligʻi holatiga koʻra boshqa ishga oʻtkazish uchun va karantin tufayli mehnatga vaqtincha layoqatsizligini ekspertiza qilish natijalariga koʻra aniqlangan mehnatga vaqtincha layoqatsizligi mehnatga layoqatsizlik varaqasi bilan tasdiqlanadi .

Xodim taqdim etgan, tibbiy tekshiruv yakunlariga koʻra berilgan ma’lumotnomalar va хulosalar vaqtincha mehnatga layoqatsizlik varaqasining oʻrnini bosmaydi va ish beruvchiga unga tegishli nafaqa toʻlash majburiyatini yuklamaydi.