Aprel oyida har bir хodim uchun foydali boʻladi:
«Fuqarolarning davlat pensiya ta’minoti toʻgʻrisida»gi Qonunga muhim oʻzgartirishlar kiritildi. Bu 09.02.2022 yildagi OʻRQ-752-son Qonunda nazarda tutilgan.
Xususan:
- Nogironlik pensiyalari, I va II guruh nogironligi boʻlgan shaхslardan tashqari, shuningdek Chernobil AESdagi avariya tufayli mayib boʻlish yoki kasallik oqibatida III guruh nogironligi boʻlgan shaхslar deb topilgan shaхslarga tayinlanadi
; - Endi boquvchisini yoʻqotganlik pensiyasini tayinlash chogʻida 18 yoshga toʻlmagan yoki 18 yoshdan katta bolalar, aka-ukalar, opa-singillar va nabiralar, agar ular 18 yoshga (ilgari – 16 yoshga) toʻlguniga qadar nogironligi bor bola boʻlib qolgan boʻlsa, oilaning mehnatga qobiliyatsiz a’zolari deb hisoblanadi ;
- Ta’lim tashkilotlarining oʻquvchilari bilan bir qatorda talabalari ham oʻqishning butun davri davomida, biroq 23 yoshga toʻlguniga qadar boquvchisini yoʻqotganlik pensiyasini olish huquqiga ega ;
- Bola 3 yoshga toʻlguncha bolani parvarishlash ta’tillarida boʻlish vaqti, lekin hammasini jamlaganda koʻpi bilan 6 yil (ilgari – 3 yil) ish stajiga qoʻshib hisoblanadi ;
Oʻzbekiston Respublikasi hududida belgilangan tartibda karantinli va inson uchun хavfli boʻlgan boshqa yuqumli kasalliklar paydo boʻlishi va tarqalishi munosabati bilan cheklovchi choralar (karantin) joriy etilganda, agar fuqarolar cheklovchi choralar (karantin) davrida yoki ular tugatilgandan keyin pensiya tayinlashni soʻrab bir oy ichida murojaat qilgan boʻlsa, ularga pensiya uni olish huquqi yuzaga kelgan kundan e’tiboran tayinlanadi .
