Kadrlarga oid hujjatlarni saqlash tartibi

preview

Korxona Toshkentda roʻyxatdan oʻtkazilgan, bosh ofis ham shu yerda. Ishlab chiqarish sexi va omborxona esa Toshkent viloyatida joylashgan. Kadrlar boʻlimi inspektori vazifasini ofisda ishlovchi buxgalter bajaradi. Sex va omborxona xodimlarining kadrlarga oid hujjatlari qayerda saqlanishi kerak?

 

– Kadrlarga oid hujjatlarni bir yoʻla bir nechta joyda saqlash masalasi qonun hujjatlari bilan tartibga solinmagan. Mehnat daftarchalarini yuritish tartibi toʻgʻrisidagi yoʻriqnomaning 1.6-bandi bilan ish beruvchilarga mehnat daftarchalarini xodim ish haqi oladigan korxonaning kadrlar boʻlimida yoki ularni berish uchun mas’ul etilgan shaxsda saqlash majburiyati yuklangan.

Kadrlarga oid hujjatlarni yuritish vazifasi Toshkentdagi bosh ofisda ishlovchi buxgalter zimmasiga yuklatilgan boʻlsa, ishlab chiqarish sexi va omborxona xodimlarining mehnat daftarchalari ham shu yerda saqlanishi kerak.

Qolgan turdagi kadrlarga oid hujjatlarga kelsak, qonun hujjatlarida ularni saqlash joyiga qat’iy talablar belgilanmagan. Kadrlar hisobini yuritish holati va hujjatlarning but saqlanishi uchun mas’ul boʻlgan vakolatli shaxslar ulardan foydalanishi qulay boʻlishi uchun ushbu masalani lokal tartibda hal qilishingiz mumkin.

Mehnat daftarchalarini yuritish tartibi toʻgʻrisidagi yoʻriqnomaning yuqorida tilga olingan bandidan kelib chiqilsa, qolgan kadrlarga oid hujjatlar ham kadrlar ishini yurituvchi xodimning qoʻl ostida boʻlishi kerakligi mantiqiy sanaladi.


Oʻzbekistonda kadrlar hujjatlari – kadrlar hujjatlarini rasmiylashtirish, mehnat hujjatlarini mehnat bilan olib borish oʻzbekistonda kadrlar hujjatlari, kadrlar hujjatlari, mehnat hujjatlari Oʻzbekistonda kadrlar hujjatlari. Kadrovik.uz saytidan Oʻzbekistonda kadrlar hujjatlari haqida maqolalar topiladi. Bu yerda kadrlar hujjatlarini rasmiylashtirish haqida foydali ma’lumotlar berilgan. Bu yerda Oʻzbekistonda mehnat hujjatlarini tuzish toʻgʻrisida ma’lumot berildi. Hamma mehnat shartnomalarini tuzish toʻgʻrisida /oz/publish/doc/text179336_kadrlarga_oid_hujjatlarni_saqlash_tartibi