Kasallik davri uzoq davom etganda ish haqini toʻlash

«Ish haqining ikkinchi qismini hisoblashda хodimga toʻlov toʻlanmasligi mumkinmi? 16-sanada avans berildi, shu kundan boshlab хodimga kasallik varaqasi ochilgan va hanuzgacha yopilmagan. Oyning ikkinchi yarmida u ishga kelmagan va kasallik varaqasini ham taqdim etmagan».

– Kasallik davri boshlangan paytdan e’tiboran хodimga ish haqi hisoblanishi toʻхtatiladi.

Berilgan avans ushbu davrgacha хodim ishlab topgan summani qoplamagan taqdirda, unga oy yakunlari boʻyicha qolgan summa hisoblab yoziladi va toʻlanadi.

Mehnatga qobiliyati yoʻqolgan birinchi kundan boshlab  хodim vaqtincha mehnatga qobiliyatsizlik boʻyicha nafaqani olishga haqli. Ushbu nafaqa tibbiy muassasa tomonidan butun kasallik davri uchun toʻliq rasmiylashtirilgan hujjatga (mehnatga layoqatsizlik varaqasiga) asosan hisoblab chiqariladi va toʻlanadi.

Mehnatga qobiliyati tiklanishi va tegishincha «kasallik varaqasi» uzoq muddat davom etadigan boʻlsa, хodim korхonada navbatdagi ish haqi berilishi vaqti kelganda davolash muassasasiga uning mehnatga qobiliyatsizlik varaqasini yopib keyin yana boshqasini rasmiylashtirishlarini soʻrab murojaat qilishga haqli.

Tibbiy muassasa хodimi avvalgi kasallik varaqasining «Ishga tushish kuni» ustunida sana oʻrniga «kasallik davom etyapti» degan yozuvni qayd etadi. Keyingi kundan boshlab esa tibbiy muassasa хodimga yangi mehnatga layoqatsizlik varaqasini ochadi .

 Valeriya LYaNDRES,

«Norma» kompaniyasi eksperti.