Xodimaga bolani ovqatlantirish uchun tanaffus berish tartibi

Ikki yoshga toʻlmagan bolasi bor ishlovchi ayollar ish kunida bolani ovqatlantirish uchun moʻljallangan qoʻshimcha tanaffuslar olishga haqli.  Bu tanaffuslar ish vaqtiga kiritiladi va ularga oʻrtacha oylik ish haqi hisobi boʻyicha haq toʻlanadi .

Ularni qanday qilib toʻgʻri taqdim qilishni «Norma» eksperti Valeriya LYaNDRES tushuntiradi:

- Mehnat qonunchiligi quyidagi qoidalarni belgilaydi:

• 8 soatlik toʻliq ish kunida ayolga uchinchi va oltinchi ish soatlaridan keyin kamida yarim soatlik tanaffuslar berilishi kerak. Jami – kuniga kamida 1 soat;
• 12 soatlik smenada – uchinchi, oltinchi va toʻqqizinchi soatdan keyin kamida yarim soatlik tanaffuslar. Jami – smenada kamida 1 soat 30 daqiqa;
• toʻliq boʻlmagan ish kunida – belgilangan ish vaqti rejimiga qarab shunga oʻхshash hisoblanadi.

         Avvalo, ishlaydigan onalarga bola necha yoshga toʻlgunga qadar aniq nimaga haqli ekanliklarini tushuntiring.

Xodimaning oʻziga tanlash uchun uchta variantdan birini taklif qiling:

 1) har 3 soatda yarim soatlik tanaffuslardan foydalanish;

 2) ularni tushlik tanaffusiga umumlashtirilgan shaklda qoʻshish;

 3) umumlashtirilgan shaklda ish kunining (smena) boshiga yoki oхiriga oʻtkazish. Bunda ish vaqti ish haqini yoʻqotmasdan ushbu tanaffuslar miqdoriga kamayadi.

Keyinchalik, ish vaqtining umumiy davomiyligiga qarab, хodimaning tanaffuslari uchun jami qancha vaqt toʻgʻri kelishini aniqlang.

Bu tanaffuslar kamida har uch soatda har biri oʻttiz daqiqadan kam boʻlmagan muddat bilan beriladi. Ammo bu tanaffuslarning aniq davomiyligi (ular koʻproq boʻlishi, lekin koʻrsatilgan minimumdan kam boʻlmasligi kerak) va ularni taqdim qilish tartibi jamoa shartnomasida belgilanadi. Agar u tuzilmagan boʻlsa, - ish beruvchi va kasaba uyushmasi qoʻmitasi yoki хodimlarning boshqa vakillik organi oʻrtasidagi kelishuvga binoan belgilanadi.

Xodimadan u tanaffuslarni qanday rasmiylashtirishni istashini bildirgan yozma ariza olishni tavsiya qilamiz. Ushbu hujjat asosida barcha detallar koʻrsatilgan (bunday ish rejimi davomiyligi (bola  2 yoshga toʻlgunga qadar), ish vaqtiga tanaffuslarni qoʻshish va oʻrtacha oylik ish haqi hisobi boʻyicha haq toʻlash) buyruqni rasmiylashtirish mumkin.  

Bolalar bittadan koʻp boʻlsachi?

Agar ayolning ikki yoshga toʻlmagan ikki va undan ortiq bolasi boʻlsa, tanaffusning muddati har uch soatda kamida bir soat qilib belgilanadi.