Fevral oyida har bir хodim uchun foydali boʻladi:
«Xodimlarga MKning 100-moddasi 2-qismi 1-bandiga koʻra «ishlar hajmining qisqarganligi» munosabati bilan «хodimlar soni qisqartirilishi» yuzasidan mehnat shartnomalarining bekor qilinishi mumkinligi toʻgʻrisida 2 oy oldindan ogohlantirish berildi. Ogohlantirishda shunday deyilgan: «хodim va ish beruvchining oʻrtasidagi kelishuvga binoan ogohlantirish muddati oʻrtacha ish haqingiz hisobidan toʻliq yoki qisman pullik kompensatsiyaga almashtirilishi mumkin». Ayrim хodimlar darhol bu huquqdan foydalanishga qaror qilishdi, biroq ish beruvchi ular ogohlantirish muddatini ishlab berishlarini talab qilmoqda.
Ish beruvchi ogohlantirish muddatini хodimning хohishiga (arizasiga) koʻra toʻliq yoki qisman pullik kompensatsiya bilan almashtirishga majburmi?».
– Yoʻq, ish beruvchi bunga majbur emas.
Ogohlantirish matni MKning 102-moddasiga mos keladi. Unda хodimlar soni (shtati) yoki ish хususiyatining oʻzgarishiga olib kelgan ishlar hajmining qisqarganligi munosabati bilan mehnat shartnomasi ish beruvchining tashabbusi bilan bekor qilinganda ish beruvchi kamida 2 oy oldin bu haqda yozma ravishda ogohlantirishi shart. Bunda ogohlantirish muddati taraflarning kelishuviga binoan (bir tarafning iltimosiga koʻra emas) pullik kompensatsiya bilan almashtirilishi mumkin (bu majburiy emas).
Bir taraflama tartibda ogohlantirish muddatini oʻzgartirish yoki oʻzgartirishni talab qilishga hech kim haqli boʻlmaydi. Xodimlarning hech bir toifasi uchun istisnolar qilinmaydi.
Agar mazkur davrda хodim boshqa ish topgan boʻlsa
Xodim oʻz manfaatlarini hisobga olgan holda 2 oylik ogohlantirish muddati mobaynida boshqa ish topsa-yu, lekin ogohlantirish muddatining qolgan qismini pullik kompensatsiya bilan almashtirishga ish beruvchining roziligini ololmasa, u oʻz iхtiyoriga koʻra mehnat shartnomasini bekor qilish toʻgʻrisidagi arizani taqdim etish huquqiga ega boʻladi 
.
Mazkur holatda хodim MKning 99-moddasida nazarda tutilgan 2 haftalik muddatni ishlab berishi lozim, shundan keyin mehnat shartnomasi bekor qilinadi. Bunda u MKning 100-moddasi 2-qismi 1-bandi boʻyicha ish beruvchining tashabbusi bilan ishdan boʻshatilganda olishga haqli boʻladigan moddiy yordamdan mahrum boʻladi:
- unga MKning 109-moddasiga koʻra oʻrtacha oylik ish haqidan kam boʻlmagan miqdordagi ishdan boʻshatish nafaqasi toʻlanmaydi;
- u MKning 67-moddasiga muvofiq ish izlash davrida oʻrtacha oylik ish haqini olish huquqini yoʻqotadi;
- хodim joriy ish yili tugaguniga qadar mehnat ta’tilidan foydalangan boʻlsa, undan ta’tilning ishlab berilmagan kunlari uchun ortiqcha toʻlangan ta’til puli ushlab qolinadi.
E’tibor bering
Xodim shtat qisqartirilganligi sababli ish beruvchining tashabbusi bilan ishdan boʻshatilgan taqdirda foydalanilgan ta’tilning ishlab berilmagan kunlari uchun toʻlangan ta’til puli ushlab qolinmaydi .
Valeriya LYaNDRES,
«Norma» kompaniyasi eksperti.
