Xodim pasport oʻrniga ID karta olgan boʻlsa

«Xodim biometrik pasport bilan ishga qabul qilingan. Keyinchalik uning oʻrniga ID karta oldi. Xodimlar boʻyicha mutaxassis nima qilishi kerak? Mehnat shartnomasiga qoʻshimcha kelishuv tuzish kerakmi?».
 

Savolga «Norma» eksperti Valeriya LYaNDRES javob berdi:
 

– Shaxsni tasdiqlovchi hujjatni (pasportni ID-kartaga) almashtirish mehnat shartnomasidagi oʻzgarishlarga olib kelmaydi va ish beruvchiga ham, xodimga ham bogʻliq emas. Shuning uchun mehnatshartnomasiga qoʻshimcha kelishuv tuzishga hojat yoʻq.

Sizdan quyidagilar talab qilinadi:

1) xodimdan yangi hujjatni qabul qiling va uning ma’lumotlarini kadrlarga oid hujjatlar – T-2 shaxsiy kartochkasiga kiriting;

2) yangi hujjat nusxasini shaxsiy ishga ilova qiling;

3) oʻzgarishlar haqida buxgalteriyaga xabar bering;

4) ID-karta ma’lumotlarini YaMMTga kiriting. Bu haqda bosqichma-bosqich yoʻriqnomani bu yerda qarang:

• Agar xodim yangi ID karta  olgan yoki yashash manzilini oʻzgartirgan boʻlsa, YaMMTdagi ma’lumotlarni qanday oʻzgartirish mumkin.

Kelgusida xodimning ma’lumotlarini toʻldirishda uning ID karta  ma’lumotlarini koʻrsating.