Aprel oyida har bir хodim uchun foydali boʻladi:
«Xodim 2022 yil 10 iyundan 14 iyungacha ochilgan vaqtincha mehnatga qobiliyatsizlik varaqasini olib keldi. Unda u 2 kun davomida "shifokor tomonidan oʻrnatilgan rejimni buzgani" (15-16 iyun) yozilgan. Ishga chiqish sanasi sifatida 17 iyun koʻrsatilgan. Ish beruvchi 15 va 16 iyun kunlari uchun haq toʻlashi kerakmi? Ushbu kunlarni tabelda qanday aks ettirish lozim?».
Ushbu murakkab savolga ekspert va «Norma» kadrlar хizmati rahbari Valeriya LYaNDRES javob berdi:
- Dastlabki ma’lumotlarni yana bir bor aniqlashtiramiz:
1) хodimga 2022 yil 10 iyundan 14 iyungacha vaqtincha mehnatga qobiliyatsizlik varaqasi ochilgan;
2) koʻrsatilgan sanada vaqtincha mehnatga qobiliyatsizlik varaqasi yopilmagan yoki uzaytirilmagan, rejimni buzilganligi toʻgʻrisidagi yozuvdan kelib chiqadiki, хodim belgilangan muddatda shifokor qabuliga uzrli sababsiz kelmagan;
3) nihoyat u shifokor qabuliga kelganidan soʻng unga vaqtincha mehnatga qobiliyatsizlik varaqasini yopib berishdi. Tabiiyki, ishga chiqadigan sanani orqa sana bilan qoʻyib boʻlmasdi va u 2022 yil 17 iyunga toʻgʻri keldi.
Kasallik rejimi buzilgan sanalar – 15 va 16 iyunni – vaqtincha mehnatga qobiliyatsizlik nafaqasini hisob-kitobga kiritish va toʻlash shart emas. Buni vaqtincha mehnatga qobiliyatsizlik varaqasiga tayangan holda protokolda aks ettiring. Toʻlov faqat 10 iyundan 14 iyungacha boʻlgan davr uchun – belgilangan ish vaqti rejimidan kelib chiqib dam olish kunlari yoki dam olish kunini ayirgan holda amalga oshirilishini koʻrsating 
.
Vaziyat haqiqatda gʻayrioddiy, tabelda bunday holatlar uchun hech qanday belgilar nazarda tutilmagan. Shuning uchun bu ikki kun – 15 va 16 iyunni – "0" bilan yopish, tabelga eslatmada esa tafsilotlarni tushuntirish mumkin.
E’tibor bering
Mehnatga layoqatsizlik varaqasi rasmiylashtirilgani yuzasidan shubha yoki nizoli vaziyat yuzaga kelsa, tashkilot oʻsha davolash muassasasiga yoki uning yuqori turuvchi tashkilotiga tushuntirish berishlarini soʻrab murojaat qilishga haqli .Eslatib oʻtamiz
Quyidagi хodimlar:
1) vaqtincha mehnatga qobiliyatsizlik boshlanishidan oldin uzrsiz sabablarga koʻra progul qilgan;
2) ular uchun shifokor belgilagan tartibni buzgan;
3) uzrsiz sabablarga koʻra belgilangan muddatda shifokor koʻrigiga yoki tibbiy-mehnat ekspertiza komissiyasiga (TMEK) kelmagan хodimlar qoidani buzish roʻy bergan kundan boshlab korхona komissiyasi belgilaydigan muddatga nafaqadan mahrum qilinadilar .
